News Portal

  • २ बर्षभित्र प्रदेशमा पोलिटेक्निक र स्थानीय तहमा शिक्षालय : सीटीइभीटीद्वारा पत्रकारलाई पुरस्कार घोषणा

    इभक्तपुर संवाददाताभक्तपुर, १२ फागुन
    ८५१ पटक
    भक्तपुर, १२ फागुन

    प्राबिधिक शिक्षा तथा व्यवसायिक तालिम परिषद (सीटीइभीटी) ले आफ्नो स्थापनाको तीसौ बार्षिकोत्सव मनाएको छ । शनिवार सानोठिमीस्थित कार्यालय प्राङ्गणमा एक औपचारिक कार्यक्रमका बीच बार्षिकोत्सव मनाइएको हो ।

    कार्यक्रममा बिशेष अतिथि रहेका सीटीइभीटीका सस्थापक प्रमुख प्रा.डा. सुरेशराज शर्माले प्राबिधिक शिक्षालाई राज्यले उपेक्षा गर्दा अपेक्षित नतिजा नआएको दावी गरे । ”राज्यको बजेट र प्राथमिकता ९७ % ज्ञानमा छ ३ % मात्र शीपमा छ । तैपनि सीटीइभीटीले यतिसम्म गर्नसक्नु सकारात्मक प्रतिफल हो ।” शर्माले भने ।

    शिक्षा मन्त्रालयका सचिव मधुप्रसाद रेग्मीले अबको शिक्षा शीपलाई प्राथमिकता नदिई अगाडी बढ्न नसक्ने बताउदै राज्यको प्राथमिकतामा प्राबिधिक शिक्षा पर्ने आस्वाशन दिएका थिए । ” भर्खरै नवनियुक्त प्रधानमन्त्री केपी ओलीज्यूले पहिलो दिनमै प्रत्यक प्रदेशमा २ बर्षभित्र नमुना पोलिटेक्निक र प्रत्यक स्थानीय तहमा नमुना प्राविधिक शिक्षालयको उद्घोष गर्नुभएकोले पनि अव प्राविधिक शिक्षाको बिकाश हुनेमा बिश्वस्त हुन् म अनुरोध गर्दछु ।” उनले भने ।

    त्यसैगरी सीटीइभीटीका सदस्य सचिव रेवतीरमण बाग्लेले सीटीइभीटीका कारण बेरोजगारी घटाउन केहि हद सम्म भूमिका भएको जिकिर गर्दै देशलाई आवश्यक प्राविधिक तथा व्यवसायिक शीपमूलक जनशक्ति आपुर्ती गर्न यसले खेलेको भूमिकालाई उपेक्षा गर्न नहुने दावी गरे । ” बर्तमान सरकारका प्रधानमन्त्री केपी ओलीले २ बर्षभित्र नमुना पोलिटेक्निक र प्रत्यक स्थानीय तहमा नमुना प्राविधिक शिक्षालय बनाउने उद्घोष गरेकाले यो अवधी सीटीइभीटीका लागि स्वर्णिम अवसर बनाउन हामी प्रतिबद्ध छाैं  ।” वाग्लेले भने ।

    ३० अाैं बार्षिकोत्सव कार्यक्रममा सदस्य सचिव वाग्लेले प्रत्येक प्रदेश र केन्द्रमा समेत प्राबिधिक शिक्षाको क्षेत्रमा कलम चलाउने सर्बोत्कृष्ट पत्रकारहरुलाई बार्षिकरुपमा पुरस्कृत गर्ने घोषणा समेत गरेका थिए ।

    उक्त अवसरमा सीटीइभीटीका उत्कृष्ट सेवा गर्ने ४ कर्मचारी र सर्वोत्कृष्ट १ गरि ५ जना पुरस्कृत भएका थिए ।अरविन्द कुमार चौधरी, दल बहादुर आले ,सन्तोष कुमार महासेठ ,उमेश भुजेलले उत्कृष्ट तथा कार्यालय सहयोगी सुगा बिस्वकर्माले सर्बोत्कृष्ट सेवा पुरस्कार पाइन् । त्यसैगरी सीटीइभीटीले सर्बोत्कृष्ट नतिजा सहित उतीर्ण हुने आफ्ना बिद्यार्थीहरुलाई समेत पुरस्कृत गरेको थियो ।

    कार्यक्रममा ट्रेड युनियनका तर्फबाट कर्मचारी संघका बडुले, सेवा निवृत्त कर्मचारीका तर्फबाट मुकुन्द प्रसाद मैनाली लगायतले सीटीइभीटी विधिले चल्नुपर्ने र कर्मचारीहरुले गणेशले जसरी हाकिमहरुको परिक्रमा गर्नुपर्ने परिपाटी अन्त्य हुनुपर्नेमा जोड दिएका थिए ।

    शिक्षा मन्त्रालयका सहसचिव तथा इभेन्ट परियोजना प्रमुख टेक नारायण पाण्डे , सीटीइभीटीका पदाधिकारी तथा कर्मचारीहरु लगायतको कार्यक्रममा उपस्थिति रहेको थियो ।

    सच्याइएको : सीटीइभीटीका सदस्य सचिव पुष्परमण वाग्ले हुनुपर्नेमा अन्यथा भएकोले सच्याइएको छ ।

    प्रतिकृया दिनुहोस्

    जाँतोलाई भन्दा हातोलाई सकसक

    लोकतन्त्रको आधारस्तम्भ आवधिक निर्वाचन हो । तर, आवधिक निर्वाचन गर्नु मात्रै सबै कुरा भने होइन...

    भक्तपुर युनाइटेड भयो लिग च्याम्पियन

    भक्तपुर युनाइटेड फुटबल क्लब जिल्ला लिग फुटबल-२०७८ को च्याम्पियन बनेको छ । भक्तपुर जिल्ला फुटबल...

    कक्षा १० को परीक्षा नियन्त्रकमा रायमाझी

    सानोठिमीस्थित परीक्षा नियन्त्रण कार्यालयको प्रमुखमा अर्जुनबहादुर रायमाझी नियुक्त भएका छन् । उप सचिव रायमाझी राष्ट्रिय...

    श्रेष्ठले फिर्ता गरे साझा पुरस्कारको पैसा

    abhaya

    साहित्यकार अभय श्रेष्ठले साझा पुरस्कारबाट प्राप्त रकम फिर्ता गरेका छन् । आर्थिक अभावले थलिएको साझा...

    बिना सूचना कटुञ्जे स्वास्थ्य चौकीमा कोरोना विरुद्ध खोप लिनेको भीड, कसरी छुटे सयौं मानिस

    katunje healthpost

    कोरोना भाइरसको त्रास बढेसंगै कोरोना विरुद्धको खोप लगाउन सयौं मानिसहरु कटुञ्जे स्वास्थ्य चौकीमा भेला भएपछि...