News Portal

  • भर्ना अभियान फेसबुक र संचारमाध्यममा छाउनका लागि होइन : मन्त्री पोखरेल

    इभक्तपुर संवाददाताभक्तपुर, १२ बैशाख
    ४७१ पटक
    भक्तपुर, १२ बैशाख

    ‘एक बच्चाको भर्ना मेरो सामाजिक दायित्व, पहुँचको सुनिश्चितता र सिकाइमा स्थायित्व’ भन्ने नाराका साथ यतिबेला देशव्यापीरुपमा सरकारले भर्ना अभियान चलाइरहेको छ । भर्ना अभियानमा देखिएको सहभागीताले आफु उत्साहित भएको शिक्षा, बिज्ञान तथा प्रविधि मन्त्री गिरिराजमणि पोखरेलले बताएका छन् ।

    मन्त्री पोखरेल देशभर बिद्यालय भर्ना गराउने अभियानमा व्यस्त बनेका छन । उनले बच्चा भर्ना गर्नु भनेको फोटो खिचेर देखाउने मात्र काम नभएको जिकिर गर्दै बच्चाको अभिभावकत्व ग्रहण गर्ने कार्य भएको दावी गरेका छन् ।

    “बच्चा भर्ना गर्नु भनेकाे फेसबुक र संचारमाध्यममा आउनु मात्रै हैन, उनीहरुको अभिभावकत्व लिएर एक असल अभिभावक बन्दै शैक्षिक संरक्षण दिनु पनि हो ।” मन्त्री पोखरेलले इभक्तपुरसंग भने ।

    उनले यो अभियान बिद्यालयको पहुँच बाहिर रहेका बालबालिकाको असल अभिभावक बन्दै उनीहरुलाई विद्यालयको पहुँचमा पुर्याउने महान कार्य भएको भन्दै यस अभियानमा साथ् दिनेहरु प्रति आभार समेत व्यक्त गरेका छन ।

    २०६१ सालदेखि शिक्षा मन्त्रालयले भर्ना अभियान शुरु गरेको भएतापनि अझै करीब ३ प्रतिसत प्राथमिक तह पढ्ने उमेरका बालबालिका विद्यालयको आगनसम्म आउन सकेका छैनन । संख्यामा भन्नुपर्दा गतबर्ष पनि प्राथमिक उमेर समूहका ८८ हजार २ सय ७ बालबालिकाले विद्यालयको आगन टेक्न पाएका छैनन् ।

    बर्तमान सरकार यस्ता विद्यालयको पहुँचबाट टाढा रहेका बालबालिकालाई बिद्यालय भर्ना गर्न सक्दो प्रयासमा जुटेको छ । पहुँचभन्दा बाहिर रहेका बालबालिकालाई विद्यालयभित्र ल्याउन सरकारले विशेष योजना बनाएको छ ।

    ‘एक बच्चाको भर्ना मेरो सामाजिक दायित्व, पहुँचको सुनिश्चितता र सिकाइमा स्थायित्व’ भन्ने नाराका साथ यतिबेला देशव्यापीरुपमा सरकारले भर्ना अभियान चलाइरहेको छ । सरकारको एकल प्रयासले मात्र नहुने भन्दै आम नागरीकलाई नै बिद्यालयसम्म पहुँच नपुगेका बालबालिकालाई बिद्यालय प्रवेश गराउन आह्वान गर्दै संचालित यो अभियान यतिबेला सरकारसंग मात्र नभई आम नागरिकसंग जोडिन पुगेको छ ।

    प्रतिकृया दिनुहोस्

    अनेसासलाई अनेसास नै बनाउने प्रतिबद्धतासहित उत्रिएका तीन उम्मेद्वार

    लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा,...

    रामेछाप बस दुर्घटनाः मृत्यु हुनेको संख्या १३ पुग्यो

    रामेछापमा भएको बस दुर्घटनामा मृत्यु हुनेको संख्या १३ पुगेको छ । घटनास्थलमा ९ जना र...

    भक्तपुरका ५३८ उम्मेद्वारले बुझाए निर्वाचन खर्च विवरण

    गत वैशाख ३० गते सम्पन्न स्थानीय तहको निर्वाचनमा भक्तपुरका विभिन्न चारवटा स्थानीय तहमा उम्मेदवार बनेकामध्ये...

    अर्थमन्त्री प्रकरणबारे प्रचण्डले प्रधानमन्त्री र सभामुखसँग छलफल गर्ने

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विवादित अर्थमन्त्री जनार्दन शर्माको विवाद समाधानका लागि...

    काठमाण्डौ उपत्यकाको सुरक्षाको जिम्मा सङ्घीय प्रहरीलाई

    गृहमन्त्री बालकृष्ण खाणले बढ्दो सुरक्षा संवेदनशीलतालाई ध्यानमा राखेर सरकारले काठमाण्डौ उपत्यकाको सुरक्षाको जिम्मा सङ्घीय प्रहरीलाई...