News Portal

  • विप्लवका कार्यकर्ताले गरे सत्तारुढ नेकपाका नेतामाथि आक्रमण

    जाजरकोट, ६ कार्तिक ।
    ५४९ पटक
    जाजरकोट, ६ कार्तिक ।

    सत्तारुढ दल नेपाल कम्युनिस्ट पार्टी (नेकपा)का नेताहरुमाथि विद्रोही नेकपाका कार्यकर्ताहरुले आक्रमण गरेका छन् ।

    जाजरकोटको पूर्वी क्षेत्रमा रहेको बारेकोट गाउँपालिकामा सत्तारुढ नेकपाका केन्द्रीय सदस्य तथा युवा नेता निरज आचार्य र डम्बरबहादुर सिंहमाथि आक्रमण भएको हो । जिल्ला पार्टीले तय गरेको राजनैतिक प्रशिक्षण कार्यक्रमका लागि आज बिहान बारेकोट जाँदै गर्दा उनीहरुमाथि बारेकोटको लैखमको रापानी भिरमा आक्रमण गरिएको हो । आक्रमणबाट नेता आचार्य र सिंहको खुट्टामा चोटपटक लागेको बताइएको छ ।

    आक्रमणपछि नेपाल पत्रकार महासंघ जाजरकोटका कोषाध्यक्ष दिपबहादुर घर्तीसँग कुरा गर्दै नेता डम्बर सिंहले आफूहरुमाथि आक्रमण गरिएको जानकारी दिएका हुन् । उनले विप्लव नेतृत्वको नेकपाका पाँच जना कार्यकर्ताहरुले निकै अप्ठेरो भिरमा आक्रमण गरेको जानकारी दिए । उनले भने, “लाठी बोकेर बसेका विप्लवका कार्यकर्ताले बारेकोटमा प्रवेश गर्न नदिने भन्दै निकै भिरालो ठाउँमा आक्रमण गरे । त्यस्तो भिरालो ठाउँमा हामीले प्रतिवाद गर्ने कुरा भएन । त्यसैले हामी त्यहाँबाट फर्केका छौं ।”

    नेता सिंहले आजै बारेकोटको लिम्सामा गाउँपालिका स्तरीय प्रशिक्षण कार्यक्रम राखेको र त्यसकै लागि आफूहरु त्यसतर्फ जान लागेको जानकारी दिए । विप्लवका कार्यकर्ताले आफ्नो पार्टीका नेता कार्यकर्तालाई देशभर धरपकड गरिएको, गिरफ्तार गरेर जेल राखिएकोले सत्तारुढ दलका नेताहरुलाई गाउँ पस्न नदिने बताएका थिए । साथै उनीहरुले सो क्रममा आफ्नो पार्टीले सरकारी पार्टीलाई गाउँमा कुनै गतिविधि गर्न नदिने पनि चेतावनी दिएका थिए ।

    नलगाढ गाउँपालिका र बारेकोट गाउँपालिकाको सीमा नजिक पर्ने रापानी भिर निकै भिरालो रहेको छ । त्यस क्षेत्रमा अहिले नलगाढ जलविद्युत आयोजनाको पहुँच मार्ग निर्माणको काम धमाधम चलिरहेको छ ।

    यस्ताे छ बिज्ञप्ति

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...