News Portal

  • केयूमा अनिश्चितकालीन तालाबन्दी, विज्ञान र इन्जिनियरिङ संकायको परीक्षा स्थगित

    भक्तपुर, १६ पुस
    ७७६ पटक
    भक्तपुर, १६ पुस

    प्राध्यापक र कर्मचारीले काठमाडौं विश्वविद्यालय (केयू) को केन्द्रीय हाताका शैक्षिक र प्रशासनिक कार्यालयमा अनिश्चितकालीन तालाबन्दी गरेका छन् ।

    यसअघि उनीहरूले प्रशासनिक कार्यालयमा मात्रै तालाबन्दी गर्दै आएका थिए । सम्झौता कार्यान्वयन नभएपछि सम्पूर्ण कार्यालयमा ताला लगाएको प्राध्यापक संघका पूर्वसभापति विभूतिरञ्जन झाले बताए ।

    केन्द्रीय हाताभित्रका डिन कार्यालय, परीक्षा नियन्त्रणको कार्यालय, टेक्निकल ट्रेनिङ सेन्टरसहित प्रशासकीय भवनमा भएको तालाबन्दीका कारण बुधबारदेखि हुने परीक्षा स्थगित गरिएको सूचना परीक्षा नियन्त्रण कार्यालयले जारी गरेको छ ।

    जसका कारण विज्ञान र इन्जिनियरिङ संकाय स्नातक तहका आंशिक परीक्षा स्थगित भएको छ । यसअघि पनि आन्दोलित शिक्षकहरू विश्वविद्यालयले लिएको परीक्षामा सहभागी नभएपछि विद्यार्थीलाई नै निरीक्षक राखेर परीक्षा सञ्चालन गरिएको थियो ।

    विश्वविद्यालय सभा र कार्यकारी परिषद्‌मा सहभागी गराउने पूर्वसहमति विपरीत प्रशासनले बेवास्ता गरेको भन्दै प्राध्यापक र कर्मचारी आन्दोलनमा छन् । विश्वविद्यालय सभामा सहभागी गराए पनि बोल्नसमेत नदिएको उनीहरूको भनाइ छ ।

    ‘सिनेटमा सहभागी भए पनि हात उठाउँदासमेत बोल्न नदिएर अपमान गरियो,’ संघका पूर्वसभापति झाले भने, ‘भदौ ३० को सम्झौता अक्षरशः पालना नभएसम्म आन्दोलन जारी राख्छौं ।’

    विश्वविद्यालयमा भइरहेका नीतिगत र आर्थिक भ्रष्टाचारका विषयमा छानबिन गर्न संघले माग गरेको छ । तर, कारबाहीको साटो संरक्षण गरेको, संघसँग विभिन्न समयमा भएका प्रतिबद्धता कार्यान्वयन नभएको भन्दै प्राध्यापक र कर्मचारी आन्दोलित छन् ।

    ४० दिनको निरन्तर तालाबन्दीपछि भदौ ३० गते भएको सम्झौतामा विश्वविद्यालय सभामा प्राध्यापक र कर्मचारीका एकएक प्रतिनिधि आमन्त्रित गर्ने सहमति भएको थियो । २५औं दीक्षान्तअन्तर्गत पहिलो चरणको कार्यक्रमअघि बसेको सभामा प्राध्यापकका प्रतिनिधि सहभागी थिएनन् ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...