News Portal

  • नेपाली काँग्रेसका उम्मेदवार नै नेकपामा प्रवेश : सांसद बस्नेतद्वारा स्वागत

    बाबुराम दाहाल / भक्तपुर पोस्ट भक्तपुर, २६ साउन
    १३४६ पटक
    भक्तपुर, २६ साउन

    गत स्थानीय तहको निर्वाचनमा नेपाली काँग्रेसका तर्फबाट उम्मेदवार रहेका एक नेता नै सत्तारुढ नेपाल कम्युनिष्ट पार्टी (नेकपा) मा प्रवेश गरेका छन् । सूर्यविनायक नगरपालिका वडा नं ७ का स्थानीय काँग्रेस नेता एवं गत स्थानीय निर्वाचनका उम्मेदवारसहितको टोली नेकपामा प्रवेश गरेको हो ।

    यसरी नेकपा प्रवेश गर्ने नेपाली काँग्रेसका स्थानीय नेता दिपक नगरकाेटी रहेका छन् । गत स्थानीय तहकाे निर्वाचनमा उनी नेपाली कांग्रेसका तर्फबाट सूर्यविनायक नगरपालिका वडा नं ७ गुण्डूमा वडा सदस्यका उम्मेदवार थिए । त्यतिबेला उनी तत्कालिन नेकपा (एमाले) का उम्मेदवारका निकटतम प्रतिस्पर्धी रही पराजित भएका थिए ।

    आइतवार नगरकाेटी नेपाली काँग्रेस परित्याग गरि नेपाल कम्युनिस्ट पार्टी ( नेकपा ) मा प्रवेश गरेका वडा नम्बर ७ का वडाध्यक्ष समेत रहेका नेकपाका स्थानीय नेता रवीन्द्र सापकोटाले जानकारी गराएका हुन् । गुण्डूका स्थानीय एवं पूर्व मन्त्री समेत रहेका नेकपाका केन्द्रीय सदस्य तथा सांसद महेश बस्नेतले उनलाई टीका र खादा लगाई पार्टी प्रवेश गराएका सापकोटाले बताए ।

    नेता नगरकोटीसहित छ जना युवाहरु आइतवार सांसद बस्नेतकाे निजी निवासमै पुगी पार्टी प्रवेश गरेका थिए । बिकास निर्माण, सामाज रुपान्तरण र राष्ट्रियताको लागि नेकपाको बिकल्प नभएको ठहर गर्दै आफूहरु नेकपामा समाहित भएको नवप्रवेशीहरुको भनाइ छ ।

    उक्त अवसरमा नेकपाका प्रभावशाली केन्द्रीय सदस्य मानिने सांसद महेश बस्नेतले बिकाशप्रेमी र देशभक्तहरु ढिलोचाँड़ो नेकपामा गोलबन्द हुने जिकिर गर्दै नवप्रवेशीहरुलाई पार्टीले उच्च सम्मान गर्ने र उचित जिम्मेवारी दिने बताएका थिए ।

    प्रतिकृया दिनुहोस्

    भक्तपुरमा तात्यो माओवादी केन्द्र : एकैदिन पाँच वडाका कार्यक्रम, ताथलीमा नयाँ कमिटी

    भक्तपुरमा नेपाल कम्युनिष्ट पार्टी (माओवादी केन्द्र)ले आफ्नो सांगठनिक गतिविधि बढाएको छ । केपी ओली सरकार...

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...