News Portal

  • भक्तपुर प्रहरीलाई अर्को सफलता : लुटेराहरु रातोपाटीबाट ३ घन्टामै पक्राउ

    हिना सुवाल / भक्तपुरपोस्ट भक्तपुर, १३ साउन
    १३४४ पटक
    भक्तपुर, १३ साउन
    भक्तपुर १० कमलविनायकमा लुटेराहरुले फिल्मी शैलीमा पैसा लुटेर फरार भए । एकाविहानै सस्तोमा डलर साट्न रुपैया लिएर सूर्यविनायकबाट कमलविनायकस्थित बसपार्क पुगेका एक व्यक्ति लुटिए । बिहान करिब ०७:४५ बजे पांच लाख नगद लुटेर फरार भएका युवकहरु अन्तत ३ घण्टा नबित्तै प्रहरीको फन्दामा परे ।

    भक्तपुर १० कमलविनायकस्थित बसपार्कबाट दोलखा घर भई हाल सुर्यबिनायक बस्ने एक व्यक्तिलाई डलर देखाई सस्तोमा साटी दिन्छु भनि नेपाली ५ लाख रुपैंया लुटी फरार भएका युवकहरु चाँगुनारायण न.पा. ८, रातोपाटीबाट उम्कन पाएनन् ।

    ब्यापक सर्च अभियानमा रहेको प्रहरी टोलीले उक्त लुटपाटमा संलग्न रहेको अभियोगमा २ जनालाई पक्राउ गर्न सफल भएको महानगरीय प्रहरी परिसर भक्तपुरले जनाएको छ । लुटपाटको सूचना प्राप्त हुना साथ महानगरीय प्रहरी परिसर, भक्तपुर र महानगरीय प्रहरी वृत्त जगातीबाट खटिएको प्रहरी टोलीले घटनामा संलग्नहरुलाई नियन्त्रणमा लिन सफल भएको परिसरका सूचना अधिकारी सुवास बुढाथोकीले बताए ।

    पक्राउ पर्नेमा सिन्धुपाल्चोकको बाह्रबिसे घर भई हाल चारदोबाटोमा डेरा गरी बस्ने वर्ष २३ को विमल भण्डारी र वर्ष२१ को निर्मल भण्डारी रहेका प्रहरी निरीक्षक बुढाथोकीले जनाएका छन् । उनीहरुलाई आजै विहान करिब १० बजेको समयमा चाँगुनारायण ८, रातोपाटीबाट नियन्त्रणमा लिई थप अनुसन्धान भईरहेको प्रहरीको भनाइ छ ।

    उनीहरुको साथ् बाट प्रहरीले नेपाली रुपैंया – ३,३१,०००।– (तिन लाख एकतिस हजार),बिभिन्न कम्पनीका मोबाईल – २ थान, मोटरसाइकल – १ थान (२२० सि.सि.को पल्सर ) ,पर्स – २ थान र विभिन्न देशको डलर – ८ थान (अमेरिकी डलर समेत रहेको ) बरामद गरिएको प्रहरी निरीक्षक बुढाथोकीले बताए ।

    यस अघि गत बिहीवार मात्र प्रहरीले बालकोटमा डलर साट्ने बहानामा पैसा लुट्ने लुटेरा भएको अभियोगमा मध्यपुर थिमि बाट पाँच जना पक्राउ गरेको थियो । उनीहरु पक्राउ परे संगै प्रहरीले डलर देखाई पैसा लुट्ने लुटेराको गुथ्थी समाधान भएको बिस्वास लिएको थियो । उक्त घटनाको ४ दिन नबित्तै भएको आजको घटनाम पनि सिन्धुपाल्चोक बाह्रबिसेकै युवकहरु संलग्न हुनुले यस प्रकृतीको घटनामा बिगत लामो समय देखि एउटै समूह सक्रिय रहेको प्रहरीको आशंका रहेको छ ।

    भक्तपुरमा साउन यता मात्र सस्तोमा डलर साटी दिने बहानामा पैसा लुटपाटका छ वटा घटना भएका छन् जसमा करिब ३० लाख रकम लुटिएको छ । पछिल्लो २ घटनामा संलग्न हरु पक्राउ परेसंगै प्रहरी सक्रियतालाई लिएर मानिसहरुले प्रहरी प्रशासनको प्रशंसा गरिरहेका छन् ।

    प्रतिकृया दिनुहोस्

    भक्तपुरका भँडेल बने भौतिक पूर्वाधारमन्त्री

    काठमाडौं । भक्तपुर क्षेत्रनम्बर १(क)का प्रदेश सांसद कृष्णलाल भँडेल बाग्मती प्रदेश सरकारमा भौतिक पूर्वाधारमन्त्री बनेका...

    चाँगुमा पत्रकार : काँग्रेस उपसभापतिमा दुलाल असफल, एमाले उपाध्यक्षमा बास्तोला निर्विरोध

    yaya ram bastola sanjeev dulal

    भक्तपुरमा राजनीतिक दलको नेतृत्व तहमै पत्रकारहरुको प्रभाव देखिएको छ । सत्तारुढ दल नेपाली काँग्रेस र...

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...