News Portal

  • अस्पतालमा अक्सिजन अभाव भएपछि भक्तपुर वाइसिएल मैदानमा उत्रदै

    भक्तपुरपोस्ट संवाददाता भक्तपुर, २३ बैशाख
    १७९३ पटक
    भक्तपुर, २३ बैशाख

    कोभिड १९ संक्रमितले भक्तपुरका अस्पताल भरिएका छन् भने उपचारका लागि अक्सिजनको पर्याप्त उपलब्धता हुन सकेको छैन । अक्सिजनको अभावमा बेड भएपनि संक्रमितलाई भर्ना गर्ने अवस्था नरहेको अस्पताल प्रशासनको जिकिर छ ।

    भक्तपुर अस्पतालकी मेडिकल सुपरिटेण्डेण्ट डा सुमित्रा गौतमले सार्वजनिक रुपमै अक्सिजन सिलिन्डर दान गर्न अनुरोध गरेकी छन् । अस्पतालमा पचास बढी संक्रमित उपचारका लागि भर्ना भएका छन् । तर सबैजसो बिरामीलाई अक्सिजन आवश्यक भएपछि अस्पताल प्रशासन निकै चिन्तित छ । बुधवार नायक पल शाहको एक सस्था हाम्रो टिम नेपालले २३ सिलिन्डर र भक्तपुर क्यान्सर अस्पतालले १० सिलिन्डर दान गरेको मेसु गौतम बताउँछिन् ।

    सरकारले अस्पतालहरु अक्सिजन अभावले गुज्रदा अझैपनि ठुलो संख्यामा अक्सिजन सिलिन्डर उद्योग धन्धामा प्रयोग भएको र भण्डारण गरिएर राखिएको आशंका गरेको छ । यसैबीच, नेकपा माओवादी केन्द्रको युवा संगठन वाइसिएल नेपालले यसरी संकटको बेलामा अक्सिजनको अभाव गराउने उद्योगी व्यवसायीहरु लाई कारवाही गर्ने तयारी गरेको छ । वाइसिएलको भक्तपुर जिल्ला इन्चार्ज दिनेश थपलिया आक्रोशले यो बेला युवाहरु चुप लागेर बस्न नसक्ने चेतावनी दिएका छन् । वाइसिएल भक्तपुर अध्यक्ष नरेश वाइवाले आफूहरु सर्प्राइज अनुगमनको तयारीमा रहेको र अक्सिजन सिलिन्डरको कालोबजारी र कृतिम अभावको विरुद्धमा लाग्ने बताए ।

    वाइसिएल भक्तपुरका नेता नरेश रन्जितले आफूहरुले अक्सिजन उत्पादन, प्रयोग र बिक्रीवितरण गर्ने उद्योग र व्यवसायमा छापा हान्नुको बिकल्प नभएको बताएका छन् । सरकार लाचार भएकोले वाइसिएल मैदानमा उत्रनुको बिकल्प नदेखिएको उनको दावी छ । वाइसिएलले अक्सिजनको कृतिम अभावमा संलग्न सम्भावित उद्योगी व्यवसायीको स्क्रिनिंग गरी छापा हान्ने तयारी गरिएको बताइएको छ । प्रहरीसंगको सहकार्यमै आफूहरुले कारवाही अघि बढाउने वाइसिएल भक्तपुरले जनाएको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...