News Portal

  • सांसद महेश बस्नेतको एनजीओलाई भारतीय राजदुतावासले दियो एम्बुलेन्स

    भक्तपुरपोस्ट संवाददाता भक्तपुर, ४ जेठ २०७८
    ११२७ पटक
    भक्तपुर, ४ जेठ २०७८

    सांसद महेश बस्नेतलाई भारतीय राजदुतावासले एम्बुलेन्स उपलब्ध गराएको छ । सांसद बस्नेतले मागेपछि दुतावासले एम्बुलेन्स दिएको हो ।

    उक्त एम्बुलेन्स सांसद बस्नेत संरक्षक रहेको एक एनजीओ मानवीय आस्था नेपालको लागि उपलब्ध गराइएको बताइएको छ । सांसद बस्नेतका स्वकीय सचिव दिनेश थापाले सांसद बस्नेतको पहलमा भारत सरकारबाट एम्बुलेन्स सहयोग पाइएको बताएका छन् ।

    एम्बुलेन्स मानवीय आस्था नेपाल र सूर्यविनायक नगरपालिकाले संयुक्तरुपमा संचालन गर्ने गरि उद्घाटन समेत गरिएको छ । एक कार्यक्रमकाबीच सांसद बस्नेत र सूर्यविनायकका मेयर बासुदेव थापाले संयुक्तरुपमा एम्बुलेन्सको उद्घाटन गरेका हुन् । उक्त अवसरमा सांसद बस्नेतले एम्बुलेन्स संचालन भएसंगै बिरामीलाई राहत हुने बताए भने नगरप्रमुख थापाले नगर अस्पताल संचालनको अन्तिम चरणमा रहेको जानकारी गराएका थिए ।

    एम्बुलेन्सको लागि दुतावासमा सूर्यविनायक नगरपालिकाले पत्राचार गरे नगरेको बारे बुझ्न पटक पटक नगर प्रमुख बासुदेव थापालाई सम्पर्क गर्न खोजेपनि उनले फोन उठाएनन् ।

    नगरपालिकाकी उपप्रमुख जुना बस्नेतले पत्राचार भए नभएको बारे अनभिज्ञता प्रकट गरिन् । उनले मानवीय आस्थाले पाएको एम्बुलेन्समा नगरपालिकाले इन्धन हाल्ने सहमती भने भएको जनाएकी छन् । उपप्रमुख बस्नेतले उक्त एम्बुलेन्सले निशुल्क बिरामी बोक्ने बताइन् । एम्बुलेन्स सेवाका लागि मोबाइल नम्बर ९८०८५२९३८३ मा सम्पर्क गर्न सकिने बताइएको छ । संचालन खर्च नगरपालिकाले व्यहोर्नुपर्ने एम्बुलेन्स एनजीओको नाममा आउनु उदेकलाग्दो भएको एक कर्मचारी बताउछन् ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...