News Portal

  • भक्तपुर काँग्रेसको तर्फबाट सिन्धुपाल्चोक बाढीपिडितका लागि नगद ३ लाख ५१ हजार हस्तान्तरण

    भक्तपुरपोस्ट संवाददाता भक्तपुर, ८ असार २०७८
    ९५१ पटक
    bhaktapur congressभक्तपुर, ८ असार २०७८

    नेपाली कांग्रेस भक्तपुरले सिन्धुपाल्चोकका बाढी पिडितको सहयोगार्थ नगद तथा राहत सामग्री पार्टीको केन्द्रीय विपत व्यवस्थापन समितिलाई हस्तान्तरण गरेको छ । पार्टी कार्यालयमा मंगलवार आयोजित कार्यक्रममा उक्त सामाग्री हस्तान्तरण गरिएको हो ।

    जिल्ला सभापति दुर्लभ थापाले भक्तपुर पार्टीको तर्फबाट नगद ३ लाख ५१ हजारसहित विभिन्न जिन्सी राहत सामग्री समितिका संयोजक समेत रहेका सिन्धुपाल्चोकका नेता एवं पूर्वमन्त्री मोहनबहादुर बस्नेतलाई हस्तान्तरण गरेका हुन् ।

    राहत सामग्रीमा चामल २ हजार ४ सय ७५ केजी, सोयाविन २ सय प्याकेट, चिउरा, दाल, आलु, तेल, नुनलगायतका खाद्यान्न, लत्ताकपडा, औषधिलगायत रहेको पार्टी सचिव निशान ढुंगेलले जनाएका छन् ।

    राहत सामाग्री ग्रहण गर्दै नेता बस्नेतले सिन्धुपाल्चोकको घाउमा मलहम लगाउन गरिएको प्रयास प्रति आभार प्रकट गरे । मेलम्ची र हेलम्बु जाने सडक सञ्जाल बाढीले विच्छेद गरेकोले हेलिकप्टरमार्फत बुधवार पिडितहरुलाई राहात पुर्याइने उनले बताए । राहत सामग्री लिएर भक्तपुरका कांग्रेस नेताहरुको टोली बुधवार सिन्धुपाल्चोक तर्फ प्रस्थान गर्ने बताइएको छ । भक्तपुर जिल्ला सभापति दुर्लभ थापाले सिन्धुपाल्चोकको पिडामा सरकारले प्रभावकारी उपस्थिति नजनाएको भन्दै वर्तमान सरकार सत्ता लिप्सामा चुर्लुम्म डुबेकोले यसबाट अपेक्षा राख्नु नै व्यर्थ भएको जिकिर गरे ।

    उक्त अवसरमा नेपाली कांग्रेस भक्तपुरका उप सभापति हरिप्रसाद नेपाल, सचिव निशान ढुंगेल, क्षेत्र नं. १ का सभापति जीवन खत्री, क्षेत्र नं. २ का सभापति नारायणभक्त खायमली,कांग्रेस बागमति प्रदेश संसदिय दलका उपनेता एवम् सांसद कृष्णलाल भँडेललगायतको उपस्थिति रहेको थियो ।

    प्रतिकृया दिनुहोस्

    नेपाल एरा ऐकेडेमी बन्द गर्न सूर्यविनायकका १३ संस्थागत विद्यालय संचालकहरुको माग

    सूर्यविनायक-८ दार्जिलिङ हाइटस्थित नेपाल एरा ऐकेडेमी गैरकानुनी रूपमा संचालन गरिएको सरोकारवालाले जानकारी गराएका छन् ।...

    भक्तपुर अस्पतालमा एकैपटक ३ दर्जन घाइते आएपछि

    भक्तपुर अस्पतालमा एम्बुलेन्सले धमाधम घाइते ओसार्दै थिए । डाक्टर, नर्स र स्वयंसेवक घाइतेको व्यवस्थापन र...

    नमेटिने घाउ’ मा ओलीको अभिनय

    काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले रमित ढुंगाना निर्देशित चलचित्र ‘नमेटिने...

    समुदायमै अग्नि नियन्त्रक उत्पादन गर्दै चाँगुनारायण नगरपालिका

    चाँगुनारायण नगरपालिकाले आगलागी सुरक्षा सम्बन्धि अभिमुखिकरण तथा अग्नी नियन्त्रण अभ्यास गराएको छ । आगलागीको सम्भावित...

    आइतवार भक्तपुरमा प्रहरीकै प्रदर्शन

    भक्तपुरमा आइतवार प्रहरीका दुई प्रदर्शनी भएका छन् । सशस्त्र प्रहरी बलको नं. २२ गण र...