News Portal

  • नेपाल पत्रकार मञ्चद्वारा भक्तपुरका पत्रकारलाई पन्ध्र सय थान मास्क प्रदान

    भक्तपुरपोस्ट संवाददाता भक्तपुर, १८ असार
    ३२५ पटक
    भक्तपुर, १८ असार

    नेपाल पत्रकार मञ्चले पत्रकारलाई स्वास्थ्य सामग्री सहयोग गर्ने कार्यलाई निरन्तरता दिएको छ । मञ्चले शुक्रवार नेपाल पत्रकार महासंघ जिल्ला शाखा भक्तपुरलाई स्वास्थ्य सामाग्री हस्तान्तरण गरेको हो ।

    मञ्चका अध्यक्ष युवराज विद्रोहीको नेतृत्वमा रहेको टोलीले शुक्रवार सल्लाघारीस्थित महासंघको कार्यालयमा आई सहयोग हस्तान्तरण गरेको नेपाल पत्रकार महासंघ भक्तपुरका अध्यक्ष जगतकृष्ण प्रजापतिले जनाएका छन् । मञ्चले सर्जिकल मास्क १ हजार ५ सय थान र ५०० एमएलको २० थान स्यानिटाइजर सहयोग गरेको उनले बताए ।

    सहयोग हस्तान्तरण गर्दै मञ्चका अध्यक्ष विद्रोहीले कोरोना भाइरसको संक्रमणबाट पत्रकारहरुलाई जोगाउने अभियानमा आफूहरु रहेको स्पष्ट पारे । मञ्चले विभिन्न संघसंस्थाहरुसँग समन्वय गरेर स्वास्थ्य सुरक्षा सामग्री उपलब्ध गराइरहेको उनको भनाइ छ । मञ्चले उपत्यकाका साथै बाहिरी जिल्लाहरुमा पनि पत्रकारहरुका लागि स्वास्थ्य सामाग्री उपलब्ध गराइरहेको उनले जानकारी गराए ।

    उक्त अवसरमा महासंघका भक्तपुर अध्यक्ष जगतकृष्ण प्रजापतिले मञ्चबाट प्राप्त स्वास्थ्य सुरक्षा सामग्री भक्तपुरका पत्रकारहरुलाई आवश्यकता अनुसार वितरण गर्ने प्रतिवद्धता प्रकट गर्दै सहयोगका लागि आभार प्रकट गरे । अध्यक्ष प्रजापतिले शाखाका सदस्यहरुलाई कोभिडले गरेको असर र शाखाको सक्रियताबारे जानकारी समेत गराएका थिए ।

    कार्यक्रममा जिल्ला शाखा भक्तपुरका तर्फबाट संस्थापक सभापति रमेश खड्का, पूर्व अध्यक्षद्वय विकल श्रेष्ठ र अमर भुजु, सचिव संजीप घिमिरे शुभचिन्तकका साथै सदस्य रामगोपाल तमखू उपस्थित थिए । त्यस्तैगरी मञ्चका तर्फबाट उपाध्यक्ष चन्द्रमणि भट्टराई, महासचिव विमल थापा, कार्यसमिति सदस्य जेन श्रेष्ठ, नेपाल पत्रकार महासंघ एशोसियट प्रदेशका महासचिव रोयल आचार्यको उपस्थिती रहेको थियो ।

    यसैबीच नेपाल पत्रकार महासंघ उपत्यका प्रदेश समितिले पनि महासंघ भक्तपुर शाखालाई १ हजार थान मास्क सहयोग गरेको छ । महासंघ उपत्यका समितिका अध्यक्ष श्रीजन झा, महासचिव टेनिस रोका, सचिव रोशनराज पाण्डे, वरिष्ठ पत्रकार दामोदर प्रसाद दवाडी लगायतको टोलीले शाखा अध्यक्ष जगतकृष्ण प्रजापतिलाई सो मास्क हस्तान्तरण गरेका महासंघले जनाएको छ ।

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...