News Portal

  • प्रधान सेनापति पूर्णचन्द्रले दिए खुकुरी उपहार : नगर प्रमुख प्रजापतिद्वारा नेपाली सेनाको प्रशंसा

    भक्तपुरपोस्ट संवाददाता भक्तपुर, २० भदौ २०७८
    ८८१ पटक
    sunil prajapatiभक्तपुर, २० भदौ २०७८

    नेपाली सेनाका प्रधानसेनापति महारथी पूर्णचन्द्र थापा र काठमाण्डौ, ललितपुर महानगरपालिका तथा भक्तपुर नगरपालिकाका प्रमुख र उपप्रमुखहरुबीच शनिबार भेटघाट भएको छ ।

    कार्यकालको अन्तिम समयमा प्रधानसेनापतिको आमन्त्रणमा उनकै निवास झम्सीखेलमा आयोजित भेटघाटमा प्रधानसेनापति थापाले नेपाली सेना र स्थानीय तहहरुबीचको सहकार्य अविस्मरणीय रहेको बताएका थिए । भक्तपुरको रानीपोखरी जीर्णोद्धारमा नेपाली सेनाले सहयोग गर्न पाएकोमा समेत उनले खुशी व्यक्त गरे ।

    नेपाली सेना र उपत्यकाका महानगरपालिका र नगरपालिकाहरुसँगको समन्वयले सार्वजनिक महत्वका धेरै कामहरुमा सफलता हासिल भएको उनको भनाइ छ । नेपाली सेनाको मुख्य उद्देश्य भनेकै राष्ट्रको सेवा गर्ने रहेको बताउदै उनले आगामी दिनमा समेत स्थानीय तहहरुसँगको समन्वय र सहकार्यले विभिन्न गतिविधिहरु सञ्चालन गर्न सहजता प्रदान हुने बिश्वास व्यक्त गरे ।

    सो अवसरमा भक्तपुर नगरपालिकाका प्रमुख सुनिल प्रजापतिले भक्तपुरको सल्लाघारीस्थित ऐतिहासिक रानीपोखरी जीर्णोद्धार र सिद्धपोखरीको उत्तरतर्फको खेल मैदान स्थानीयको खेलकुद प्रयोजनका लागि खुल्ला गर्न नेपाली सेनाले खेलेको भूमिका उल्लेखनीय रहेको बताउदै आगामी दिनहरुमा पनि यस्तै साथ र सहयोगको अपेक्षा रहेको बताएका थिए ।

    उक्त अवसरमा नगर प्रमुख प्रजापतिले महारथी थापालाई भक्तपुरको प्रसिद्ध मयुर झ्याल, जुजु धौ र नगरपालिकाका महत्वपूर्ण प्रकाशनहरु उपहारको रुपमा दिएका थिए । सोही क्रममा उपरथी थापाले नगर प्रमुखहरुलाई नेपाली सेनाको खुकुरी मायाको चिनोको रुपमा प्रदान गरे ।

    यही भाद्र २४ गतेदेखि अवकाश प्राप्त गर्दैछन । सेनाको नियमानुसार एक महिना अघिदेखि बिदामा बस्नु पर्ने भएकाले हाल उनी बिदामा बसेका छन् ।

    भेटमा काठमाडौं महानगरपालिकाका प्रमुख विद्यासुन्दर शाक्य, उपप्रमुख हरिप्रभा खड्गी, ललितपुर महानगरपालिकाका प्रमुख चिरीबाबु महर्जन र उपप्रमुख गीता सत्याल, भक्तपुर नगरपालिकाका उपप्रमुख रजनी जोशी, ललितपुर नपा वडा नं. १८ का वडाध्यक्षको उपस्थिति रहेका थियो ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...