News Portal

  • भक्तपुरमा एक दिने फुटसल प्रतियोगिता हुने, प्रथम हुनेलाई ५० हजार, ट्रफी, मेडल र प्रमाणपत्र

    भक्तपुरपोस्ट संवाददाताभक्तपुर, ७ असोज २०७८
    ८७३ पटक
    भक्तपुर, ७ असोज २०७८

    भक्तपुरमा एक दिने फुटसल प्रतियोगिता हुने भएको छ । सूर्यविनायक- ८, ईंटबुस्थित हेल्दी फुटसलको आयोजनामा फुटसल प्रतियोगिता हुन लागेको हो ।

    यसै महिनाको १६ गते ‘प्रथम हेल्दी फुटसल खुला प्रतियोगिता- २०७८ आयोजना गर्न लागिएको आयोजक समितिका संयोजक श्यामकृष्ण प्रजापतिले जानकारी दिए । प्रतियोगितामा २० देखी ३२ टोलीको सहभागिता रहने अपेक्षा गरिएको उनले बताए ।

    प्रत्येक खेलका लागि १५ मिनेटको समय रहने र नकआउटका आधारमा खेलाईने बताइएको छ । निर्धारित समयमा खेल बराबरी भए सिधै टाईब्रेकरबाट खेलको निर्णय गरिने संयोजक प्रजापतिले प्रष्ट पारेका छन् ।

    प्रतियोगितामा प्रथम हुने टोलीलाई नगद ५० हजार, ट्रफी, मेडल र प्रमाणपत्र प्रदान गरिनेछ भने द्धितिय हुने टोलीलाई नगद २५ हजार, ट्रफी, मेडल र प्रमाणपत्र प्रदान गरिने बताइएको छ । त्यसैगरी वेष्ट गोलकिपर, वेष्ट प्लेयर र फेयर प्ले अवार्ड पनि प्रदान गरिने जानकारी गराइएको छ ।

    कोभिडका कारण तहसनहस खेल गतिविधिलाई चलायमान बनाउन प्रतियोगिता आयोजना गरिएको हेल्दी फुटसलका अर्का सञ्चालक उज्वल धौभडेलले बताए । ‘फुटसलको विकास र खेलाडीहरुको प्रतिभालाई उत्प्रेरित गर्ने उद्देश्यले पनि यो प्रतियोगिता आयोजना गरिएको हो,’ उनले भने ।

    हेल्दी फुटसलले खेलको विकास र खेलाडीलाई प्रोत्साहन स्वरुप विगतमा टेबल टेनिस, व्याडमिन्टन जस्ता खेल प्रतियोगिता गरेको जानकारी दिँदैं फुटसल प्रतियोगिता सञ्चालक समितिका सदस्य रविन धौभडेलले आगामी दिनमा बक्सिङलगायतका प्रतियोगिता गर्ने योजना रहेको समेत बताए ।

    असोज १६ गते गर्ने योजना रहेको फ़ुटसल प्रतियोगितामा ३ लाख बढी खर्च हुने अनुमान गरिएको अर्का संचालक संजीव किवानायोले जनाएका छन् । उनका अनुसार प्रतियोगितामा सहभागी टोलीले ३ हजार दर्ता शुल्क तिर्नु पर्नेछ । थप खर्चको व्यवस्थापनका लागि दाताहरुको खोजी भैराखेको विरू सैजुंले बताए ।

    प्रतियोगिता खेलाडीका लागि अवसर समेत भएको भन्दै यसको सफलताका लागि सबै खेलप्रेमीहरुले सहयोग गर्नुपर्ने खेलप्रेमी गायक रोशन धौभडेलको भनाइ छ । उनका अनुसार प्रतियोगितामा उपत्यकाका तीनै जिल्ला र काभ्रेबाट पनि क्लबहरु सहभागी हुने अपेक्षा गरिएको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...