News Portal

  • भक्तपुरमा पनि सत्तारुढ गठबन्धनको बैठक सम्पन्न : यस्ता छन् निर्णय

    बाबुराम दाहाल / भक्तपुर पोस्ट भक्तपुर, २२ चैत २०७८
    २३८७ पटक
    भक्तपुर, २२ चैत २०७८

    सरकारमा साझेदार रहेका दलहरुले भक्तपुरमा जिल्ला स्तरीय कार्यदल गठन गर्ने भएका छन् । गठबन्धनमा सहभागी दलहरुको मंगलवार सम्पन्न भक्तपुर जिल्लास्तरीय पहिलो औपचारिक बैठकले कार्यदल गठन गर्ने निर्णय गरेको हो ।

    नेपाली काँग्रेस भक्तपुरका सभापति दुर्लभ थापाको संयोजकत्वमा मंगलवार सम्पन्न पहिलो औपचारिक बैठकले केन्द्रको निर्देशन अनुसार भक्तपुरमा सत्तारुढ दलहरुबीच गठबन्धन गर्ने सहमति गरेको नेपाली काँग्रेस भक्तपुरका सभापति दुर्लभ थापाले पुष्टि गरे । केन्द्रीय निर्देशनको भक्तपुरमा पालना हुने र सानो ठूलो जस्तो हैसियत भएपनि सम्मानजनक व्यवहार हुने उनको भनाइ छ । सोका लागि जिल्ला पार्टी प्रमुख सहित प्रत्येक पार्टीबाट २ जना प्रतिनिधि रहने एक कार्यदल गठन गर्ने निर्णय गरिएको सभापति थापाले जानकारी दिए ।

    बैठकमा सबै नगर संयन्त्रको बैठक बसी दलीय अवस्थाको बस्तुगत स्थिति विश्लेषण सहित रिपोर्ट गर्न निर्देशन दिने समेत निर्णय गरिएको नेकपा(माओवादी केन्द्र) भक्तपुरका संयोजक सुनिल गोठे बासुले बताए । संयोजक बासुले बताए अनुसार नगर संयन्त्रलाई सो रिपोर्ट पठाउन भोलि बुधवार सम्मको समयसीमा दिइएको छ । वर्तमान गठबन्धन कुनै दल विशेषको विरुद्धमा नभएको भन्दै संयोजक बासुले यो संविधान र लोकतन्त्रको पक्षमा रहने लोकतान्त्रिक गठबन्धन भएको समेत प्रष्ट पारेका छन् । वर्तमान गठबन्धनका कारण देशमा संविधान र लोकतन्त्रको रक्षा भएको संयोजक बासुले बताए । सोहीकारण भक्तपुरमा गठबन्धनका दलहरु चुनावी मोर्चामा पनि एकढिक्का भएका उनको भनाइ छ ।

    बुधवार नगर संयन्त्रले यथार्थ अवस्था पठाएपछि बस्ने कार्यदल बैठकमा दलहरुबीच चुनावमा कसरी तालमेल गरी अघि बढ्ने बारे बहस हुने संयोजक बासुले बताए । नगर संयन्त्रले यथार्थ अवस्था पठाएपछि कुन पार्टीले उम्मेदवार उठाउने भन्ने बारेमा छलफल हुने उनले जनाएका छन् ।

    बैठकमा नेपाली कांग्रेसका तर्फबाट सभापति दुर्लभ थापा,सचिव सुशील बस्नेत,सुरेन्द्र केसी र निशान ढुंगेल सहभागी भएका थिए भने माओवादी केन्द्रका केन्द्रीय सदस्यहरु देवेन्द्र श्रेष्ठ र डिपी ढकाल सहित जिल्ला संयोजक सुनिल बासु र सचिव जीवन तजको सहभागिता रहेको थियो । त्यसैगरी एकीकृत समाजबादीका अध्यक्ष श्यामसुन्दर बस्नेत, ध्रुबराज बिष्ट र पुरुषोत्तम लामिछाने तथा जसपाका नेताहरु श्याम सिल्पकर छिन्तु लामा,कृष्ण घजू र विरेन्द्र प्रधान सहभागी भएका बताइएको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...