काभ्रे, २७ साउन २०७९काभ्रेको भुम्लुमा नेकपा एमालेबाट निर्वाचित कार्यपालिका सदस्यहरूले बैठक बहिस्कार गरेका छन् । कार्यपालिका बैठक उनीहरूले प्रमुख प्रशासकीय अधिकृतलाई सम्बोधन गरी लेखिएको ध्यानाकर्षण पत्र बुझाउँदै छाडेका हुन् ।
अघिल्लो कार्यपालिका बैठकमा उपस्थित भई निर्णयमा हस्ताक्षर गरेका ती सदस्यहरूले त्यही निर्णय कार्यान्वयनमा आएपछि बहिस्कार गरेका हुन् । सोही कार्यपालिका बैठकले करार सेवामा कर्मचारी नियुक्ति गर्न विज्ञापन निकाल्ने र पदपुर्ति गर्ने निर्णय गरेको थियो ।
करार सेवामा कर्मचारी छनौट गर्दा आफूले भनेको व्यक्ति नपरेको भन्दै हिजो बोलाइएको कार्यपालिका बैठक चलिरहको अवस्थामा बहिस्कार गरियो – एक कार्यपालिका सदस्यले बताए । भुम्लु गाउँ कार्यपालिकामा कुल १८ सदस्य छन्, जसमध्ये नेकपा एमालेबाट निर्वाचित सदस्य संख्या ६ रहेको छ ।
वडाका लागि छनौट भएका कार्यालय सहयोगी लगायतको कार्मचारी वडा अध्यक्ष अर्थात् आफूसँग कुनै परामर्श नगरी छानिएकोमा उनीहरूको असन्तुष्टि रहेको ध्यानाकर्षण पत्रमा भनिएको छ । यसको नेतृत्व वडा नं ७ का अध्यक्ष रमेश खरेलले गरेका थिए ।
पत्रमा नाम नाम उल्लेख भएका खरेललगायत ज्ञानबहादुर तामाङ, लोकबहादुर कुँवर, केशरमान तामाङ र भरतबहादुर शिवभक्ति निर्वाचित वडा अध्यक्षहरू हुन् भने कल्पना पहरी कार्यपालिका सदस्य हुन् । निर्वाचित वडा अध्यक्ष स्वतः कार्यपालिका सदस्य हुने व्यवस्था छ ।