News Portal

  • प्रेस युनियनमा केन्द्रीय सदस्य निर्वाचित आचार्यलाई भक्तपुर कांग्रेसको सम्मान

    भक्तपुरपोस्ट संवाददाताभक्तपुर, ४ भदौ २०७९
    ४५४ पटक
    भक्तपुर, ४ भदौ २०७९

    नेपाली कांग्रेस निकट पत्रकारको संस्था नेपाल प्रेस युनियनमा केन्द्रीय सदस्य निर्वाचित भक्तपुरका पत्रकार पेशल आचार्य सम्मानित भएका छन् । उनलाई नेपाली कांग्रेसका जिल्ला सभापति दुर्लभ थापाले एक कार्यक्रमका बीच सम्मान गरेका हुन् ।

    पहिलोपटक भक्तपुरको प्रतिनिधित्व गर्दै केन्द्रीय सदस्यमा लोकप्रिय मतले निर्वाचित आचार्यलाई जिल्ला पार्टीको तर्फबाट बधाई दिदै सभापति थापाले बिचार बिनाको पत्रकार हुन नसक्ने बताए । लोकतन्त्रको रक्षा र जनताको हित प्रवर्द्धनमा पत्रकारले खबरदारी गरिराख्नुपर्ने भन्दै उनले प्रेस युनियनले त्यसको नेतृत्व गर्ने विश्वास ब्यक्त गरे । कार्यक्रममा भक्तपुर कांग्रेसका नेताहरु त्यसैगरी पत्रकार रमेश खड्का र पुष्करराज बुढाथोकी लगायतको उपस्थिति रहेको थियो । पार्टीको सहि बिचार प्रवाह  गर्ने बलियो सस्थाको रुपमा प्रेस युनियन रहेको र पार्टी निकट पत्रकारलाई पार्टीले सम्झिनु स्वागतयोग्य भएको प्रेस युनियनका  भक्तपुर अध्यक्ष रोशन सिल्पकारले प्रतिक्रिया दिएका छन् ।

    उक्त अवसरमा सम्मानित पत्रकार पेशल आचार्यले लोकतन्त्रको मूल मर्मलाई आत्मसात गर्दै जनताको पक्षमा कलम चलाइरहने प्रतिवद्धता प्रकट गरेका थिए । हेटौंडामा गत साउन ६ र ७ गते सम्पन्न भएको प्रेस युनियनको नवौं महाधिवेशनबाट आचार्य केन्द्रीय सदस्य निर्वाचित भएका हुन् । अध्यक्ष अनिता बिन्दुको प्यानलले पराजय ब्यहोर्नुपर्दा सोही प्यानलबाट निर्वाचित हुने आधा दर्जन उम्मेदवारमा आचार्यले आफ्नो नाम दर्ज गराउन सफल भएका थिए । गठ्ठाघर निवासी पत्रकार आचार्य नेपाल अर्थ अनलाइनमा आवद्ध रही क्रियाशील पत्रकारिता गरिरहेका छन् ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...