बिराटनगर, ६ फागुनबिद्रोही शक्तिको परिचय बनाएको विप्लब नेतृत्वको नेपाल कम्युनिस्ट पार्टीका एक स्थायी समिति सदस्यसहित ७ जना नेतालार्इ प्रहरीले गिरफ्तार गरेकाे छ । स्थायी समिति सदस्य हेमन्तप्रकाश अाेली सुदर्शन, पाेलिटब्यूराे सदस्य पदम रार्इ लगायत सात जना गिरफ्तारीमा परेका हुन् ।
नेकपाकाे युवा सगठन राष्ट्रिय युवा जनस्वयमसेवकको राष्ट्रिय सम्मेलनमा सहभागी हुन गएका बेला उनीहरुलाई बिराटनगरबाट गिरफ्तार गरिएको हो । सम्मेलन सुरु हुनै लाग्दा प्रहरीले सम्मेलनमाथि हस्तक्षेप गरी नेताहरुलार्इ गिरफ्तार गरेकाे नेकपाका एक नेताले जानकारी गराए ।
अाजैबाट युवा संगठनकाे राष्ट्रिय सम्मेलन विराटनगरमा सुरु हुन लागेकाे थियाे ।गिरफ्तार पर्नेमा जनस्वयमसेवकका केन्द्रीय सदस्य दिनेश, नबिन, केशब, कमल र दिपक रहेका छन ।
बिराटनगरको राजवंशी चोकबाट पक्राउ गरिएका नेकपाका नेताकार्यकर्तालाइ जिल्ला प्रहरी कार्यालय मोरङमा राखिएको छ । नेकपाको कार्यक्रममा प्रहरी हस्तक्षपले सरकार र नेकपा बीचको संवन्ध पेचिलो बन्ने दखिएको छ ।