News Portal

  • मानार्थ विद्यावारिधि पाएपछि प्रम ओलीले दिए यस्तो मन्तब्य

    रमेश लम्साल भारत, २५ चैत
    ९०५ पटक
    भारत, २५ चैत

    प्रधानमन्त्री केपी शर्मा ओलीले प्रकृतिप्रदत्त स्रोतसाधनबाट पूर्णरुपमा लाभ लिने साँचो नै शिक्षा हो भनेका छन् ।

    प्रधानमन्त्री ओलीले उक्त कुरा भारतको उत्तराखण्डस्थित गोविन्दवल्लभ पन्त कृषि तथा प्रविधि विश्वविद्यालयद्वारा उनलाई आज मानार्थ विद्यावारिधिको उपाधि प्रदान गरिएको समारोहलाई विश्वविद्यालयमा सम्बोधन गर्दा बताएका हुन् ।

    सम्बोधनमा उनले भने, “प्रत्येक व्यक्तिसँग विशेष रुचि र क्षमता हुन्छ, दक्षता र सीप हुन्छ र राज्यले उसको सीप र क्षमता निर्माण गर्ने उपयुक्त अवसर प्रदान गर्नुपर्छ ।

    सरकारले राज्यको मानव संशाधनको आवश्यकता मूल्यांकन गरी आफ्ना जनतामा भएको प्रतिभा र क्षमताको भरपुर उपयोग गर्नुपर्छ भने व्यक्तिले पनि आफ्नो ज्ञान समाज र राष्ट्रको बृहत्तर हितका लागि प्रयोग गर्नुपर्छ, उनले भने ।

    शिक्षाले व्यक्तिलाई अझ राम्रो बनाउने मात्र नभई शिक्षाले राष्ट्र निर्माणको बृहत्तर लक्ष्यमा पनि योगदान पु¥याउनु पर्छ, उनले भने ।

    हाम्रा पुर्खाहरु शिक्षा र आविष्कारका प्रवर्तक भएका र उनीहरुले कला, साहित्य र संस्कृतिमा महत्वपूर्ण योगदान पु¥याएको पनि उनले उल्लेख गरे । “हाम्रै क्षेत्रले ऋषिमुनिहरु, साधुसन्त र ठूला दार्शनिकहरुलाई जन्मायो,” उनले बताए ।

    हाम्रै पुर्खाहरुले नै विश्वलाई वेद, उपनिषद्, योग, आयुर्वेद, व्याकरण र भाषा विज्ञानजस्ता ज्ञान उत्सर्जन गरेको पनि प्रधानमन्त्री ओलीले बताए । उनीहरुले नै विश्वलाई विजगणितजस्ता ज्ञान प्रदान गरे भने हाम्रा पुर्खाहरुले नै मानवतालाई अहिंसाको ज्ञान प्रदान गरे, उनले बताए ।

    हाम्रा पुर्खाले दिएको त्यही ज्ञानको ज्योतिलाई अझै अगाडि बढाउनुपर्ने दायित्व हामीमा रहेको पनि उनले उल्लेख गरे ।

    वर्तमान समयमा प्राविधिक ज्ञान र आविष्कारमा ठूलो परिवर्तन आएको बताउँदै प्रधानमन्त्री ओलीले अहिले हाम्रो क्षेत्रमा गरिबी उल्लेखनीय रुपमा घट्दै गएको र मानव विकास सूचकांक राम्रो हुँदै गएको पनि बताए । हामी बाँचेको संसार राम्रो हुँदै गएपनि त्यत्तिमै चित्त बुझाएर बस्ने ठाउँ नभएको र हाम्रा मानवीय क्षमताको उच्चतम प्रयोग गर्न अझै धेरै कुरा गर्न बाँकी रहेको उनले बताए ।

    हाम्रा धेरै कमीकमजोरीलाई हटाउनु जरुरी रहेको र विकासको फल दीर्घकालीन र समावेशी रुपमा सबैमा पुग्नुपर्ने पनि उनले बताए । त्यसका लागि पूर्वाधारमा लगानी गर्नुपर्ने र अझ प्राविधिक शिक्षामा जोड दिनुपर्ने आवश्यकता रहेको पनि प्रधानमन्त्री ओलीले बताए ।

    नेपालका ६५ प्रतिशत जनता कृषिमा निर्भर रहेको र कृषिको कूल गार्हस्थ्य उत्पादनमा ३३ प्रतिशत योगदान रहेको बताउँदै उनले उच्च लाभ प्रदान गर्ने कृषि राष्ट्रिय विकासको प्राथमिकता प्राप्त एजेण्डा रहेको पनि प्रधानमन्त्रीले उल्लेख गरे ।

    नेपालको कृषिलाई रुपान्तरण गर्न गोविन्दवल्लभ पन्त विश्वविद्यालयजस्ता संस्थाले प्रविधिको प्रयोगबाट वंशाणुगत स्मृतिलाई रक्षा गर्दै सहयोग पु¥याउन सक्ने पनि प्रधानमन्त्री ओलीले बताए ।

    प्रधानमन्त्री ओलीले नेपाल र भारतबीचको सहयोगले बजार विस्तारमा सहयोग पु¥याई कृषि विकासमा सहजता ल्याउन सक्ने पनि बताए ।

    प्रधानमन्त्री ओलीले सन् २०१५ मा आफूले संविधान जारी गरेपछि भारतको भ्रमण गरेको र यसपटक संविधानप्रदत्त निर्वाचनबाट भएका तीन तहका निर्वाचनपछि भ्रमणमा आएको पनि स्मरण गरे ।

    उनले यसपटक भारतीय प्रधानमन्त्री मोदीसँगै नेपाल–भारत कृषि क्षेत्रमा साझेदारीको शुरुवात् गरेको बताउँदै त्यसले दुई देशको सम्बन्ध नयाँ उचाइमा पु¥याउने विश्वास व्यक्त गरे ।

    अन्तमा उनले मानार्थ विद्यावारिधि प्रदान गरेकामा विश्वविद्यालय र विश्वविद्यालयका उपकूलपति प्राध्यापक एके मिश्रलाई धन्यवाद व्यक्त गरे ।

    प्रतिकृया दिनुहोस्

    शब्द चयन नमिलेको सभामुख घिमिरेको स्वीकारोक्ति, संसद र प्रेसबीच सुमधुर सम्बन्ध हुनुपर्ने जोड

    प्रतिनिधि सभाका सभामुख देवराज घिमिरेले संसद र प्रेससँगको सम्बन्ध सुमधुर हुनु पर्नेमा जोड दिए ।...

    स्ववियु निर्वाचनमा झडप नियन्त्रण गर्न हवाई फायर

    बाजुराको बूढीनन्दा नगरपालिका -२ कोल्टीस्थित बूढीनन्दा क्याम्पसमा भएको स्वतन्त्र विद्यार्थी युनियनको निर्वाचनमा झडप भएको छ...

    नेपाल-पाकिस्तान मैत्रीपुर्ण टी-२० क्रिकेट प्रतियोगिता २०२३को विजेतालाई हिमालय शमशेर राना ट्रफी

    पाकिस्तान दूतावासले नेपाल-पाकिस्तान मैत्रीपुर्ण टी-२० क्रिकेट प्रतियोगिता २०२३को विजेतालाई ‘हिमालय शमशेर राना ट्रफी’ले पुरस्कृत गरेको...

    १३ क्याम्पसमा रोकियो स्ववियु निर्वाचन

    देशभरिका १३ क्याम्पसमा आज भइरहेको स्वतन्त्र विद्यार्थी युनियन (स्ववियु) निर्वाचन रोकिएको छ । विद्यार्थी सङ्गठनबीच...

    कलाकार सङ्घको अध्यक्षमा माेहन निरौला विजयी

    कलाकारको छाता सङ्गठन नेपाल चलचित्र कलाकार सङ्घको अध्यक्ष पदमा मोहन निरौला विजयी भएका छन् ।...