भक्तपुर, २२ बैशाखदुर्घटनाको खतरा बोकेर गुड्ने भनेर आरोप लाग्ने गरेको ट्रिपरबारे अर्को तथ्य फेला फरेको छ ।
भक्तपुरमा एउटा ट्रिपर दुइवटा नम्बर प्लेट राखेर गुडेको अवस्थामा फेला परेपछि प्रहरी नै परेशान बनेको छ ।
मध्यपुर ठिमी नगरपालिकाको नयाँ ठिमी चोक नजिक बिहीवार चेक जाँचको क्रममा २ वटा नम्बरप्लेट राखेर गुडिरहेको टिपर फेला परेको महानगरीय प्रहरी परिसर भक्तपुरले पुष्टि गरेको छ ।
महानगरीय प्रहरी वृत्त ठिमीबाट खटिएको प्रहरी गस्ती टोलीले सवारी साधन चेँकजाँच गर्ने क्रममा बा ४ ख ६१५६ नम्बर भएको ट्रिपर रोकी चेकजाँच गर्दा पछाडी तर्फको नम्बर प्लेटमा बा ४ ख ६१५३ नम्बर उल्लेख भएको पाईएको थियो ।
प्रहरीले उक्त टिपर चालक सिन्धुपाल्चोक जिल्ला जलबिरे – ५ बस्ने बर्ष २२ को गणेश श्रेष्ठलाई नियन्त्रणमा लिई आवश्यक कारवाहीका लागी महानगरीय ट्राफिक महाशाखा रामशाहपथ काठमाण्डौ पठाईएको जानकारी गराएको छ ।
एउटा ट्रिपरमा किन २ वटा नम्बर प्लेट राखिएको भन्ने बारे थप अनुसन्धान कार्य भईरहेको प्रहरी नायब उपरीक्षक कृष्ण प्रसाइले बताए ।