जाजरकोट, जेठ १५नलगाड नगरपालिका जाजरकोटमा नगर स्तरीय अन्तरक्रियात्मक प्रशिक्षण कार्यक्रम सम्पन्न भएको छ । नलगाड नगरपालिकाको आर्थिक सहयोग र जित स्मृति प्रतिष्ठान जाजरकोटको आयोजनामा सो कार्यक्रम भएको थियो ।
नलगाड नगरपालिका भरिका विद्यालयका २८ जना छात्र र छात्रा लाई समाबेश गराएर अन्तक्रियात्मक प्रशिक्षण दिइएको थियो । शैक्षिक गुणस्तर र बिद्यार्थीहरुको ब्यक्तित्व बिकासका लागि प्रतिष्ठानले गरेको सो कार्यक्रममा नलगाड नगरपालिका प्रमुख टेक बहादुर रावलको प्रमुख अतिथ्यता रहेको थियो भने अतिथिमा उप-प्रमुख बालकुमारी बस्नेत र नगर प्रवक्ता राममाया हमाल रहेका थिए ।
सो प्रशिक्षण कार्यक्रम संचालनमा जित स्मृति प्रतिष्ठान कि अध्यक्ष सम्झना रोका मगर रहेकी थिइन् भने प्रशिक्षण चन्द्र बहादुर पुनले दिएका थिए । उपस्थित भएका २८ जना बिद्यार्थीहरुलाई अन्तरक्रिया तथा शैक्षिक अवस्था र विभिन्न बिषयमा प्रशिक्षण दिईएको थियो।
नगरपालिकाकाका बिभिन्न विद्यालयबाट सो कार्यक्रममा आएका विद्यार्थीहरुलाई स्कुल ब्याग सहित शैक्षिक सामाग्रीहरु बितरण गरिएको प्रतिष्ठानको अध्यक्ष सम्झना रोकाबाट जानकारी प्राप्त भएको छ ।