News Portal

  • चिनी बेचेर करोडौ कमाउने तर उखुको उधारो नतिर्ने उद्योगीहरुमाथि सरकार आक्रामक

    नेपालवाल संवाददाताकाठमाडौं, ४ जेठ
    २६३९ पटक
    काठमाडौं, ४ जेठ

    कृषकलाई उखुको रकम भुक्तानी नगर्ने चिनी उद्योगहरुलाई कारवाही गरिने भएको छ ।

    सोमबार गृहमन्त्रालयमा गृहमन्त्री रामबहादुर थापा ‘बादल’ र उद्योग वाणिज्य तथा आपुर्ति मन्त्री मातृका प्रसाद यादव सहितको बैठकले सो निर्णय गरेको हो ।

    बैठकले सुनसरी, सिराहा, सर्लाही, बारा, पर्सा, नवलपरासी लगायतका जिल्लाहरुमा उखुको रकम भुक्तानी नगरेको भनी उजुरी परेकोले उद्योगीहरुलाई बोलाई छलफल गरी तत्काल कृृषकको रकम भुक्तानी गर्ने व्यवस्था मिलाउन प्रमुख जिल्ला अधिकारीहरुलाई निर्देशन दिने निर्णय गरेको गृह मन्त्रीको स्वकीय सचिवालयले जनाएको छ ।

    उद्योगीहरुले तत्काल कृषकको रकम दिन नमानेमा कानुन बमोजिम कारवाही गर्ने सम्बन्धमा राय सहित सात दिनभित्र गृहमन्त्रालयमा सिफारिस गर्न प्रमुख जिल्ला अधिकारीहरुलाई बैठकले निर्देशन दिएको बताइएको छ ।

    उखु उधारोमा बेचेका किसानहरुले महिनौसम्म भुक्तानी नपाँउदा उनीहरुको जीवनयापन कष्टकर बन्दै आएको छ । चिनी बेचेर उद्योगपतिले करोडौ कमाइसक्दा पनि किसानलाई भुक्तानी नगरी ठग्ने प्रबित्ति नै बनेको किसानहरुले गुनासो गर्दै आएका छन् ।

    सोमबारको मन्त्रीस्तरीय निर्णय संगै किसानहरुले पसिनाको मूल्य अबिलम्ब पाउने बिश्वास व्यक्त गरिएको छ ।

    यसैगरी बैठकले जिल्लाभित्र सञ्चालनमा रहेका क्रसर उद्योगहरुलाई नियमन गर्न र मापदण्ड नपुगेकालाई कारवाही गर्न प्रक्रिया अगाडी बढाएको छ । सञ्चालन अनुमति दिने निकायहरु खानी विभाग, घरेलु तथा साना उद्योग कार्यालय, तत्कालिन जिल्ला विकास समिति, स्थानिय तहहरुले अनुमति दिए अनुसार क्रसरको प्रकृति, मापदण्ड पुगे / नपुगेको सम्बन्धमा जिल्ला प्रशासन कार्यालयहरुले जिल्लास्थित कार्यालयहरुसँग समन्वय गरी पाँच दिनभित्र सो को विवरण गृह मन्त्रालयमा पठाउन निर्देशन दिने निर्णय गरेको हो ।

    प्रतिकृया दिनुहोस्

    सुवर्णेश्वर मन्दिर परिसरमा १ सय ८ शिवलिङ्ग र सप्तऋषि स्थापना

    भक्तपुरको सूर्यविनायक-५ कटुञ्जेस्थित सुवर्णेश्वर मन्दिर परिसरमा १ सय ८ शिवलिङ्ग र सप्तऋषिको स्थापना गरिएको छ...

    स्वयंसेविकालाई नियमित तालिम दिन सिडिओ शर्माको निर्देशन

    भक्तपुरकी सिडिओ रुद्रादेवी शर्माले महिला स्वयंसेविकालाई नियमित तालिम र परामर्श दिन भक्तपुर स्वास्थ्य कार्यालय र...

    निःशुल्क सेवा र औषधी प्रदान गर्दै भक्तपुर आयुर्वेद स्वास्थ्य केन्द्र

    जिल्ला आयुर्वेद स्वास्थ्य केन्द्र भक्तपुरले मंगलबार जिल्ला समन्वय समितिको हलमा स्थानीय पत्रकारहरुसँग अन्तरक्रिया कार्यक्रम सम्पन्न...

    छोटो समयमा धेरै उपलब्धि हासिल गर्नु नै वास्तविक उपलब्धि: सांसद गोसाई

    बाग्मती प्रदेशका नवनिर्वाचित सांसद सुरेन्द्रराज गोसाईले छोटो समयमा धेरै उपलब्धि हासिल गर्न सक्नु मात्र वास्तविक...

    नेपाल राष्ट्रिय कर्मचारी महासंघले स्थापना दिवसको अवसरमा शुक्रवार रक्तदान गर्ने

    नेपाल राष्ट्रिय कर्मचारी महासंघले आफ्नो स्थापना दिवसको अवसरमा रक्तदान गर्ने भएको छ । स्थापना दिवसको...