मेसिन र औजारको प्रयोग गर्नेहरुले आज धुमधामकासाथ् विश्वकर्मा पूजा गरिरहेका छन । मेसिन चलाउने कलकारखाना तथा औजार प्रयोग गर्ने कालिगढ़हरुले विश्वकर्माको पूजा अर्चना गरिरहेका छन् ।

यस दिनलाई मजदुरहरुको दिन पनि मानिन्छ । मालिकहरु पनि मजदुरसंग मिलेर हार्दिकतापूर्वक पूजामा लिन भएको देख्न सकिन्छ ।

विश्वकर्मा बाबाको तस्बिर वा मूर्ति स्थापना गरेर पूजा अर्चना भैरहेको छ । अक्षता, फूल, चंदन, धूप, अगरबत्ती, दही, रोली, सुपारी,रक्षा सूत्र, मिठाई, फल आदि अर्पण गरिएको छ ।  यस बर्ष पूजा समय बिहान १० देखि १२:३० सम्मलाई उत्तम मानिएको छ ।

यस दिन विश्वकर्माका भक्तहरु निराहार व्रत बस्ने गर्दछन् तथा पूजा सकिएपछि मात्र प्रसाद ग्रहण गर्ने र रातभर जाग्राम गर्ने गरिन्छ । पूजा सकेर भोलिपल्ट मात्र विश्वकर्मा यात्रा गर्ने गराउने चलन छ ।

यस दिन काभ्रेको खोपासीस्थित कमीडाँडामा ठूलो मेला लाग्ने गर्दछ ।  विश्वकर्मा लाई सृजना र निर्माणका देवता मानिन्छ । त्रेता युगमा सुनको लंका उनैले बनाएको जनविश्वास रहिआएको छ ।