News Portal

  • मनिप्लान्टमा नयाँ नेतृत्व : समृद्धिले मात्र सुख नहुने भन्दै सामाजिक न्याय सोच्न मन्त्रीको सुझाव

    नेपालवाल संवाददाताकाठमाडौ, २१ असोज
    २४०५ पटक
    काठमाडौ, २१ असोज

    मिनभवनस्थित मनिप्लान्ट बचत तथा ऋण सहकारी संस्थाले आफ्नो ९ औं साधारण सभा सम्पन्न गरेको छ । शनिवार बबरमहलस्थित एक ब्याङक्वेट्मा साधारण सभा सम्पन्न भएको हो ।

    सभामा प्रमुख अतिथिको रुपमा उपस्थित शिक्षा बिज्ञान तथा प्रविधि मन्त्री गिरीराजमणि पोखरेलले मनिप्लान्ट्को प्रगतिप्रति प्रसंशा प्रकट गर्दै अवको समय आर्थिक समृद्धिको भएको र यसमा सहकारीको महत्वपूर्ण भुमिका हुने बताएका थिए । उनले समृद्धिको कुरा गरिरहदा कोरा समृद्धिबाट मात्र समाज अघि बढ्न नसक्ने पनि जिकिर गरे । सामाजिक न्यायमा आधारित समृद्धि बाट मात्र समाज अघि जान सक्ने भन्दै मन्त्री पोखरेलले ब्यक्तिबाट समूहको बारेमा सोच्न बनेको सहकारीले समुह हुँदै पुरै समाज र रास्ट्रको बारेमासमेत सोच्नुपर्नेमा जोड दिएका थिए ।

    उक्त अवसरमा उनले आफूले शिक्षालाई बिज्ञान र प्रविधि संग जोड्न खोजेको खुलासा गर्दै जिवनोपयोगी शिक्षाको बिषय आगामी शैक्षिक सत्रबाट लागू हुने र शिक्षामा सरकारले केही गरेन भन्नेहरुको मुखमा यसले बुझो लगाइदिने समेत दावी गरे । “शिक्षालाई सीप संग, शीपलाइ श्रम संग, श्रमलाई उत्पादन संग, उत्पादनलाई समृद्धिसंग जोड्ने हो भने समृद्ध नेपाल र सुखी नेपालीको सपना साकार हुन्छ । हामी त्यसमा अहोरात्र खटिरहेका छौ ।” मन्त्री पोखरेलले भने ।

    उक्त अवसरमा उनले विभिन्न बिधामा उत्कृष्ट हुने शेयर सदस्य र तिनका सन्ततीहरुलाइ पुरस्कार बितरण समेत गरेका थिए । सस्थाका अध्यक्ष सुदर्शन पराजुलीको अध्यक्षतामा संचालित कार्यक्रममा लालिगुरास बाटिका विद्यालयका विद्यार्थीहरुले आकर्षक प्रस्तुतीहरु प्रस्तुत गरेका थिए भने कार्यक्रम सन्चालन सस्थाका प्रवन्धक ओम बस्नेतले गरेका थिए ।

    साधारण सभाले अर्को कार्यकालको लागि समेत सुदर्शन पराजुलीको नेतृत्वमा ११ सदस्यीय कार्यसमिति निर्वाचित गरेको मनिप्लान्ट्का सदस्य सुरेश न्यौपानेले जानकारी गराए ।

    प्रतिकृया दिनुहोस्

    चाँगुनारायणमा मोटरसाइकल दुर्घटना हुँदा पछाडी सवार मानिसको गयो ज्यान

    भक्तपुरको चाँगुनारायण नगरपालिका वडा नं. ७ भद्रकालीमा मोटरसाइकल दुर्घटना हुँदा पछाडी सवार मानिसको ज्यान गएको...

    भक्तपुरमा दिनदहाडै बाघको आक्रमणबाट बालिका घाइते

    भक्तपुरको चाँगुनारायण नगरपालिका वडा नं. ४ साङदह स्थित मामाघरमा बस्दै आएकी एक बालिका बाघको आक्रमण...

    भक्तपुरका सफल व्यवसायी एवं समाजसेवी कासिछ्वालाई मातृशोक

    भक्तपुरका सफल व्यवसायी, युवा समाजसेवी, स्वतन्त्र अभियन्ता एवं खेलाडी श्रीभक्त कासिछ्वालाई मातृशोक परेको छ ।...

    भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन

    भक्तपुर अस्पतालमा करार सेवाको जागिरका लागि ३ दर्जन बढी डाक्टरले आवेदन दिएका छन् । पदपूर्तीका...

    पत्रकार थापालाई पितृशोक

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको...