नेपालवाल संवाददाताकाठमाडौँ,१ पुस
काठमाडौँ,१ पुसदेशका हजारौ बेरोजगार युवालाई लक्षित गर्दै कृषि तथा पशुपंक्षी विकास मन्त्रालयले सीपमुलक तालीम दिने भएको छ । कृषिप्रधान देश भएर पनि युवाहरु बेरोजगार बन्नुपरेपछि मन्त्रालयले कृषि उद्यम तालीमको योजना ल्याएको हो ।
कृषि मार्फत रोजगारी सृजना गर्ने उदेश्यले मन्त्रालयले कृषि तालीम कार्यक्रम कार्यान्वयन निर्देशिका- २०७५ समेत स्वीकृत गरिसकेको मन्त्री चक्रपाणी खनाल बलदेबको सचिवालयले बताएको छ ।
निर्देशिका स्वीकृत भएसंगै मन्त्रालयले हजारौ बेरोजगार युवाहरुलाई आवाशीय सुबिधा सहित तालिम दिने तयारी गरेको र यसको लागि नेपाल कृषि अनुसन्धान परिषद् (नार्क) को अध्यक्षतामा गठित समितिले बेरोजगार युवा छनोट गरी तालिम दिने बताइएको छ ।
खेती र पशुपालनसंग सम्बन्धित दुई दर्जन तालिमहरु संचालन गर्न लागिएको र त्यसको लागि छिट्टै आवेदन खोल्ने तयारी भैरहेको जानकारी प्राप्त भएको छ ।
