News Portal

  • सूर्यविनायक-५ मा दिनदहाडै चोरी, स्थानीय आतंकित

    भक्तपुर, १५ साउन
    ४८०१ पटक
    भक्तपुर, १५ साउन

    मंगलवार विहान सानी छोरीको उपचार गर्न मेडिकल गएकी प्रेमकुमारीको कोठा दिन दहाडै फोरिन्छ । चोरले कोठाको धनमाल चोरेर विहान ११ बजेको समयमा नै फरार हुन्छ तर छिमेकी र प्रहरीले पत्ता लगाउन सक्दैनन् ।

    यो घटना सूर्यविनायक नगरपालिका वडा नम्बर ५ को सृजनानगर स्थित महाकाली पेट्रोल पम्प पछाडीको बस्तीमा भएको चोरीका घटना हो । मंगलवार विहान अन्दाजी ११ बजेको समयमा नै चोर पसेर कोठामा भएका गरगहना र पैसा चोरेर फरार भएको पिडितले भक्तपुर पोस्टलाई जानकारी गराएका छन् ।

    सोलुखुम्बु घर भै सूर्यविनायक नगरपालिका-५ मा डेरा लिई बस्दै आएकी प्रेमकुमारी सुनुवारको कोठामा दिनदहाडै चोरी भएको हो । श्रीमान र बच्चासहित बस्दै आएकी प्रेमकुमारीले आफूहरु नभएको मौका पारी चोरले ताला फोडेर आफ्नो सम्पती चोरेर लगेको बताइन् ।

    उनका अनुसार कोठाको ताला फोडेर पसेको चोरले काठको दराज फोडेर समान चोरेको हो । आफ्नो डेढ तोला सुनका गहना, ८ हजार नगद चोरिएको उनको भनाइ छ । त्यतिमात्र होइन, चोरले सिरान मुनी राखेको खुकुरी त्यसैगरी मोबाइल र अन्य सामान समेत चोरेर फरार भएको बताइएको छ ।

    प्रेमकुमारीको मात्र होइन उक्त घरको भुइँ तलामा रहेका सबै कोठा फ़ुटालिएको अवस्थामा छ । अन्य कोठामा स्थानीय एक पसलको गोदाम भएकोले चोरलाई सम्पति हात लागेन । चोरले उक्त गोदामबाट काजु र किसमिसका पोकाहरु चोरेको एक स्थानीयले जानकारी गराए ।

    दिनदहाडै चोरीको घटना भएपछी स्थानीय त्रसित बनेका छन् । यस अघि पनि उक्त बस्तीमा रहेको एक घरमा कोहि नभएको मौका पारी दिउसै लाखौको सम्पति चोरी भएको थियो । १ वर्ष अघि अहिले चोरी भएकै ठाउँमा रातको समय पारी ४ पसलका सटर फुटाएर चोरले लाखौ रकम चोरेर लगेको थियो ।

    प्रहरीले भने चोरहरुको खोजी भैरहेको बताएको छ तर चोर समात्न सकिरहेको छैन । दिनमै चोरी हुन थालेपछि सुरक्षाको अवस्था नाजुक बनेको स्थानीयको भनाइ छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...