News Portal

  • महानगरीय प्रहरी परिसर भक्तपुरले शुरु गर्यो विद्युतीय हाजिरी

    भक्तपुर, २८ साउन
    २८९८ पटक
    भक्तपुर, २८ साउन

    महानगरीय प्रहरी परिसर भक्तपुरले विद्युतीय हाजिरी शुरु गरेको छ । मंगलवारबाट परिसरमा प्रविधिमैत्री विद्युतीय हाजिरी शुरु भएको हो ।

    परिसरका प्रमुख रहेका प्रहरी उपरीक्षक सविन प्रधानले मंगलवार विद्युतीय यन्त्रमा विद्युतीय हस्ताक्षर गर्दै विद्युतीय हाजिरीको शुभारम्भ गरेका हुन् । दूर दराजका कार्यालयहरुमा समेत धेरै पहिले विद्युतीय हाजिरी प्रणाली लागू भएपनि महानगरीय प्रहरी परिसर भक्तपुरमा भने यसलाई लागू गर्ने श्रेय परिसर प्रमुख सविन प्रधानको पोल्टामा परेको छ ।

    प्रहरी संगठनको लागि समयको ठूलो महत्व भएकोले विद्युतीय हाजिरी प्रयोगमा ल्याइएको परिसरले जनाएको छ । समयमा कार्यालय नआउने, पूरा समय काम नगर्ने अथवा उपस्थित नभएर पनि अर्को दिन हाजिर गर्ने जस्ता प्रवित्तिलाई यसले अन्त्य गर्ने परिसरका सूचना अधिकारी समेत रहेका प्रहरी नायव उपरीक्षक रेवतीरमण पोखरेलले प्रष्ट पारे ।

    महानगरी प्रहरी परिसर भक्तपुरमा २ सय ३३ जनाको दरबन्दी रहेको छ जसमा हाल उपलब्ध जनशक्ति भने १ सय ६४ मात्र रहेको प्रहरी नायव उपरीक्षक रेवतीरमण पोखरेलले बताए । नयाँ हाजिरी प्रणालीले प्रहरी कर्मचारीलाई समयप्रति थप अलर्ट बनाउने उनले बताए ।

    नयाँ हजिरी प्रणाली शुरु भए संगै परिसरका प्रहरी कर्मचारीसमेत उत्साहित भएका छन् । समयको अनुसरण गर्न नसक्ने व्यक्ति प्रहरी हुन नसक्ने बताउदै एक प्रहरी जवानले इ -हाजिरीले आफूहरुको सहि मूल्यांकन हुने विस्वास व्यक्त गरे ।

    विद्युतीय हाजिरी प्रणाली अनलाइनमा आधारीत हाजिरी प्रणाली हो । यसले उपस्थिति, विदा र पे रोल बारे सहि रेकर्ड राख्नुका साथै हाजिर गर्ने व्यक्तिको व्यक्तिगत सूचना केन्द्रित समेत गर्दछ । फिंगर प्रिन्टको माध्यमबाट यसमा उपस्थिति जनाउने प्रचलन रहेको छ ।

    विक्रम सम्बत २०७१ सालको चैतमा तत्कालिन मूख्य सचिवले विद्युतीय हाजिरी लागू गर्न सबै मन्त्रालयका सचिवलाई निर्देशन दिएपछि सरकारी कार्यालयहरुमा यसको शुरुवात भएको देखिन्छ ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...