News Portal

  • १९ वर्षअघि अपराध गरी अमेरिकामा लुकेर बसेका गौतमलाई प्रहरीले त्यहिँ पुगेर पक्रियो

    भक्तपुर, ७ कात्तिक
    ५८६ पटक
    भक्तपुर, ७ कात्तिक

    बलात्कारपछि हत्यामा संलग्न रही फरार रहेका एक व्यक्ति १९ वर्षपछि पक्राउ परेका छन् । अपराधको १९ वर्षपछि प्रहरीले अपराधीलाई अमेरिकाबाट पक्राउ गरी ल्याएको हो ।

    पक्राउ पर्नेमा अमेरिकाको मियामी बस्ने झापा भद्रपुर नगरपालिका-९ घर भएका ४२ वर्षीय लिलाराज गौतम रहेका छन् । अमेरिकामा लुकेर बसेका गौतमलाई प्रहरीले त्यहिँ पुगी पक्रेर ल्याएको बताइएको छ ।

    २०५७ असोज २९ गते राति सन्ध्या राजवंशीलाई सिताराम बस्नेतले उनको घरबाट बोलाएर ल्याएपछि लिलाराज गौतम र मनोज खड्का समेतले करणी गरी घाँटी थिची हत्या गरेका थिए । जबर्जस्ती करणी र हत्यापछि शवलाई रुखमा झुण्डाएर उनीहरुले आत्महत्या देखाउने षड्यन्त्र गरेका थिए ।

    २०५७ असोज ३० गते बिहान झापाको चारआली जंगलमा सन्ध्याको शव झुण्डिएको अवस्थामा फेला परेपछि प्रहरी प्रहरी अनुसन्धानमा सक्रिय भएको थियो ।

    प्रहरी अनुसन्धानबाट दोषी ठहर भएका तीनै जनालाई सर्वोच्च अदालतबाट जन्म कैद फैसला भएपनि गौतम भने फरार रहेका थिए । कर्तव्य ज्यान मुद्दामा सर्वोच्च अदालतबाट जन्म कैद फैसला भएका फरार गौतमलाई इन्टरपोलको सहयोगमा अमेरिकाको मियामीबाट प्रहरीले पक्राउ गरी ल्याएको हो ।

    बुधबार काठमाडौं जिल्ला अदालत मार्फत गौतमलाई कारागार कार्यालय डिल्लीबजार पठाइएको केन्द्रीय अनुसन्धान व्यूरो महाराजगंजले जनाएको छ ।

    प्रतिकृया दिनुहोस्

    बक्तृत्वकला प्रतियोगितामा मोर्डनकी छात्रा समिक्षा खनाल प्रथम

    ”शिक्षामा प्रविधिको प्रयोग, आजको आवश्यकता” विषयक बक्तृत्वकला प्रतियोगितामा मोर्डन बोर्डिङ्ग स्कूलकी छात्रा समिक्षा खनालले प्रथम...

    संक्रमित आमाबाट स्वस्थ बच्चाको जन्म

    भरतपुर अस्पतालमा विगत १० महिनामा छ जना एचआइभी संक्रमित आमाले स्वस्थ बच्चालाई जन्म दिएका छन्...

    विद्यार्थीलाई ट्राफिक सचेतना कक्षा  

    ट्राफिक प्रहरीले सामुदायिक विद्यालयका विद्यार्थीलाई ट्राफिक सचेतना कक्षा सञ्चालन गरेको छ । काठमाडौँ उपत्यका ट्राफिक...

    एउटै व्यक्ति चोरी मुद्दामा पाँचौँपटक पक्राउ

    नेपाल प्रहरीले बूढानीलकण्ठ क्षेत्रमा रु चार लाख ८८ हजार चोरी गर्ने एक जनालाई पक्राउ गरेको...

    फलोअप उपचारका लागि आज चीन जाँदै नेकपा माओवादी केन्द्रका उपमहासचिव पुन

    नेकपा माओवादी केन्द्रका उपमहासचिव वर्षमान पुन फलोअप उपचारका लागि शुक्रबार चीन जाने भएका छन् ।...