News Portal

  • फरक क्षमता भएका १९५ जना खेलाडी सहभागी खेलकुद प्रतियोगिता सम्पन्न

    भक्तपुर, ७ मङ्सिर
    ११०८ पटक
    भक्तपुर, ७ मङ्सिर

    २८ औं विश्व अपांगता दिवसको अवसर पारेर भक्तपुर नगरपालिकाले आयोजना गरेको खेलकुद प्रतियोगिता सम्पन्न भएको छ । अपांगता भएका व्यक्तिहरुको लागि बोसियो र एथ्लेटिक्स खेलकुद प्रतियोगिता शनिवार सम्पन्न भएको हो ।

    ख्वप कलेज प्रांगणमा सम्पन्न उक्त खेलकुद प्रतियोगितामा अपांगता भएका १सय९५ जना खेलाडीहरुको सहभागिता रहेको भक्तपुर नगरपालिकाका खेलकुद समिति संयोजक एवं वडा नम्बर १ का वडाध्यक्ष श्यामकृष्ण खत्रीले जानकारी गराए ।

    बिजयीहरुलाई भक्तपुर नगरपालिकाका प्रमुख सुनिल प्रजापतिले पुरस्कार वितरण गरेका थिए । उक्त अवसरमा प्रमुख प्रजापतिले विजयी खेलाडीहरुलाई मेडल, सेरामिक कप र प्रमाणपत्र प्रदान गरेका थिए ।

    उक्त पुरस्कार वितरण कार्यक्रमलाई सम्बोधन गर्दै नगर प्रमुख सुनिल प्रजापतिले भक्तपुर नगरपालिकाले फरक क्षमता भएका व्यक्तिहरुको बारेमा पनि नगरपालिकाले उत्तिकै कर्तव्यबोधका साथ् कार्यक्रमहरु गरिरहेको जानकारी दिएका थिए । अपाङ्गता भएकाहरुको लागि बोसियो र एथ्लेटिक्स खेल प्रतियोगिताले उनीहरुलाई आत्मविश्वासी बनाउन सहयोग मिल्ने उनको भनाइ थियो ।

    नगरपालिकाले यस्ता बालाबालिकाको लागि बिशेष ध्यान दिइरहेको जिकिर गर्दै उनले अपांगता भएका बालाबालिकाका लागि विशेष किसिमको विद्यालय सञ्चालनको लागि स्वीकृति प्रदान गरिसकिएको समेत बताए ।उक्त अवसरमा प्रमुख प्रजापतिले अपांगता भएका व्यक्तिहरुको स्वास्थ्य परीक्षण गरी आवश्यकताअनुसारको परिचय पत्र वितरणको थालनी पनि नगरपालिकाले गरेको जानकारी गराए ।

    कार्यक्रमका सभापति रहेकी भक्तपुर नगरपालिकाकी अपांगतासम्बन्धी अस्थायी समन्वय समितिका संयोजक एवम् भक्तपुर नपाका उपप्रमुख रजनी जोशीले अपांगता भएका व्यक्तिहरुमा पनि आ–आफ्ना प्रतिभा हुने बन्दै त्यसको प्रस्फुटनमा प्रतियोगिता फलदायी भएको भनेकी थिइन् ।

    कार्यक्रममा ख्वप: बहुप्राविधिक अध्ययन संस्थानका प्राचार्य डा. रत्नसुन्दर लासिवा, भक्तपुर नपा अपांगतासम्बन्धी अस्थायी समन्वय समितिका सदस्य हिमालयस्वर लाल मुल,कार्यपालिका सदस्य रोशनमैया सुवाल लगायतले मन्तब्य राखेका थिए ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...