भक्तपुर,१२ मङ्सिरभारतले सिमाना मिचेको विषयमा बोल्दै लेखन एवं वरिष्ठ पत्रकार भैरव रिसालले सरकार बलियो भएर देखाउनेपर्ने बताएका छन्।
बुधबार मन्त्रालयमा गरेको छलफलमा भूमि व्यवस्था तथा गरिबी निवारण मन्त्री पद्मा अर्यालले विज्ञहरुसँग भारतको भूमि नमागेको उल्लेख गर्दै आफ्नो भूमि मिच्न नपाउने कुरा राख्न सक्नुपर्ने बताए।
‘हामीले नालापानी मागेका छैनौं, कालापानी दिन्नौँ भनेका हौँ’, पत्रकार रिसाल भन्छन् ‘टिस्टा मागेका छैनौं, इलाम नमिच भनेका हौँ ।’
‘अहिले राज्य कमजोर भयो कि भन्ने जनमानसमा परेको छ’, उनले थपे । रिसालका अनुसार सरकारले आवश्यक पहल तीव्रता दिन नसकेको हो कि भन्ने जनमानसको मनसाय भएको बताउंदै आगामी दिनहरुमा दरिलो भएर अघि बढ्नुपर्नेमा जोड दिएका छन्।
भारतीयले अतिक्रमण गरेका गुन्जी, नाभी र कुती गाउँ पनि नेपालकै रहेको उनले बताए। पत्रकार रिसालले २०१८ सालमा ती गाउँको जनगणना गरेको पनि बताएका छन्।