निशा कुस्मा / भक्तपुर पोस्टभक्तपुर, १८ मङ्सिर
भक्तपुर, १८ मङ्सिर भूमिसुधार तथा मालपोत कार्यालय भक्तपुरमा कार्यरत २ कर्मचारी अख्तियारको फन्दामा परेका छन् । नायब सुब्वा नारायणराज मिश्र र करारमा काम गर्ने कार्यालय सहयोगी भाईकाजी गौतम अख्तियारको फन्दामा परेका हुन् ।
सेवाग्राहीको मोही लगत कट्टा गर्ने प्रयोजनका लागि घुस खाएपछि उनीहरुलाई अख्तियार दुरुपयोग अनुसन्धान आयोगको विशेष टोलीले पक्राउ गरेको हो । ४० हजार रुपिया घुस लिएको अवस्थामा उनीहरुलाई मंगलवार कार्यालय परिसरबाटै पक्राउ गरिएको अख्तियार प्रवक्ता प्रदीप कुमार कोइरालाले पुष्टि गरे ।
नायाव सुब्बा मिश्र र कार्यालय सहयोगी गौतम दुबैजनालाई नियन्त्रणमा लिई थप अनुसन्धान भइरहेको प्रवक्ता कोइरालाको भनाइ छ ।