News Portal

  • सैनिक विद्यालय आएका प्रधान सेनापति थापाद्वारा भक्तपुरको रानीपोखरी अवलोकन

    इभक्तपुर संवाददाता
    १७०८ पटक

    भक्तपुरको वडा नं. १ स्थित सैनिक आवासीय महाविद्यालयले ४२ औं वार्षिकोत्सव तथा अभिभावक दिवस सम्पन्न गरेको छ । सोमबार महाविद्यालयले ४२ औं वार्षिकोत्सव तथा अभिभावक दिवस सम्पन्न गरेको हो ।

    सोमबार प्रधान सेनापति पूर्णचन्द्र थापाको प्रमुख आतिथ्यता र भक्तपुर नगर प्रमुख सुनिल प्रजापति लगायतको आतिथ्यतामा कार्यक्रम भव्यरुपले सम्पन्न भएको महाविद्यालयको भनाइ छ ।

    उक्त अवसरमा एसईईमा उत्कृष्ट नतिजा हासिल गरेका विद्यार्थीलाई गोल्ड मेडल र प्रमाणपत्र, विभिन्न संकायका उत्कृष्ट विद्यार्थी र २५ वर्ष अनवरत विद्यालयमा सेवारत शिक्षक–कर्मचारीलाई ताम्रपत्र र ओसल्ला ओढाई सम्मान पत्र प्रदान गरिएको थियो ।

    उक्त अवसरमा सैनिक आवासीय महाविद्यालयको वार्षिकोत्सवको अवसरमा आयोजित अतिरिक्त क्रियाकलापका विजयीहरुलाई समेत मेडल र प्रमाणपत्र वितरण गरिएको थियो भने कार्यक्रममा विद्यार्थीहरुद्वारा सांस्कृतिक नाच, जिम्नास्टिक, टेक्वान्दो लगायतका विविध प्रतिभा प्रदर्शन गरेका थिए । कार्यक्रममा विद्यालयद्वारा प्रकाशित ‘सल्लाघारी २०७६’ स्मारिका समेत लोकार्पण गरिएको थियो ।

    विद्यालयको वार्षिकोत्सवमा प्रमुख अतिथि बहर आएका प्रधान सेनापति पूर्णचन्द्र थापाले सोमबार वडा नं. १ स्थित भक्तपुरको रानीपोखरीको पनि स्थलगत अवलोकन गरेका छन् । लोपोन्मुख अवस्थामा रहेको भक्तपुरको ऐतिहासिक एवम् पुरातात्विक महत्व बोकेको रानी पोखरी जीर्णोद्धार कार्यमा भक्तपुर नगरपालिकाको भूमिका र सक्रियता बाट आफू प्रभावित भएको उनको भनाइ छ । विद्यालय परिसर भित्र रही लोपोन्मुख अवस्थामा रहेको यस पोखरी नगर प्रमुख सुनिल प्रजापतिको पहलमा नगरपालिकाले जीर्णोद्धार गरिरहेको छ जसमा नेपाली सेनाले सहयोग गरेका कारण मात्र यो सम्भव भएको थियो ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...