News Portal

  • भक्तपुर नगरपालिकाद्वारा विद्यार्थीलाई शैक्षिक ऋण : पढाइ पूरा नहुन्जेल तिर्नु नपर्ने

    भक्तपुर, २२ पुस
    ११३१ पटक
    भक्तपुर, २२ पुस

    भक्तपुर नगरपालिकाले यस आर्थिक वर्षमा ९१ जना नगरबासी विद्यार्थीहरूलाई शैक्षिक ऋण उपलब्ध गराउने भएको छ । नगरबासी विद्यार्थीहरूलाई शैक्षिक ऋण उपलब्ध गराउने कार्यको निरन्तरता दिंदै नगरपालिकाले यस वर्ष ९१ विद्यार्थीलाई सो ऋण उपलब्ध गराउने भएको हो ।

    मंगलवार शैक्षिक ऋण वितरण कार्यक्रमको शुभारम्भ गर्दै नगर प्रमुख सुनिल प्रजापतिले शिक्षाले मात्र समाज सभ्य र सम्पन्न हुने बताए । असल र योग्य नागरिक उत्पादन गर्न नगरपालिकाले शैक्षिक ऋणको व्यवस्था गरेको बताउदै प्रमुख प्रजापतिले ऋणको सही सदुपयोगको हुने विस्वास व्यक्त गरे ।

    उक्त अवसरमा भक्तपुर नगरपालिका वडा नं. ९ का वडाध्यक्ष रबिन्द्र ज्याख्वले शैक्षिक ऋण दिने सम्बन्धमा बनेको निर्देशिका, २०७५ प्रस्तुत गरेका थिए । भक्तपुर नगर भित्र स्थायी बसोबास गर्ने जेहेनदार तथा विपन्न विद्यार्थीलाई शैक्षिक ५ लाखसम्म ऋण उपलब्ध गराउदै आएको ज्याख्वले भक्तपुर पोस्टलाइ जानकारी गराए । उनाका अनुसार गत वर्ष ३७ जनालाई दीएको ऋण यसवर्ष ९१ जनाले प्राप्त गर्नेछन । त्यसका लागि ५ करोड रकम बिनियोजन गरिएको उनको भनाइ छ । कार्यक्रममा वडा नं. ७ का वडाध्यक्ष उकेश कवां र भक्तपुर नपाका प्रमुख प्रशासकीय अधिकृत दिपक कोइराला लागयातले शैक्षिक ऋणको औचित्य र महत्वमाथि प्रस्ट पारेका थिए ।

    भक्तपुर नगरपालिकाले गरिब र जेहेन्दार विद्यार्थीको लागि उच्च शिक्षा अध्ययनलाई सघाउ पुर्याउन शैक्षिक ऋणको व्यवस्था गरेको छ । उच्च शिक्षा भन्नाले विद्यालय तह (कक्षा १२) भन्दा माथिको शिक्षा हो । विद्यार्थीले शैक्षिक प्रमाण पत्र धितो राखी उच्च शिक्षाका लागि नगरपालिकाबाट सहुलियत ऋण लिन सक्छन । यस्तो ऋण विद्यार्थीले पढाइ पूरा नहुदा सम्म तिर्नुपर्दैन तर पढाइ पूरा भएको ४ वर्ष भित्र भने वार्षिक २५ प्रतिसतका दरले ऋण चुक्ता गर्नुपर्ने व्यवस्था गरिएको छ । ऋण असुली गर्दा ६ प्रतिसतको दरले ब्याज समेत तिर्नुपर्नेछ ।

     

    प्रतिकृया दिनुहोस्

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...

    सिरोहियाको पक्षमा बोलेर आलोचित बनेका महले मागे माफी

    कान्तिपुर मिडिया ग्रुपका अध्यक्ष कैलास सिरोहियाको पक्षमा बोलेपछि आलोचित बन्न पुगेका कलाकारद्वय मदन कृष्ण श्रेष्ठ...

    दधिकोटका घिमिरेलाई उत्कृष्ट मानव अधिकार सेवा पुरस्कार

    भक्तपुरको सूर्यविनायक- ४ दधिकोट निवासी लोकनाथ घिमिरेलाई उत्कृष्ट मानव अधिकार सेवा पुरस्कार प्रदान गरिएको छ...

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...