News Portal

  • खोला उत्खननको विरोध गर्ने एक युवकको टिपरले किचेर विभत्स हत्या

    भक्तपुरपोस्ट संवाददाताजनकपुर, २५ पुस
    ८५६ पटक
    जनकपुर, २५ पुस

    खोला उत्खननको विरोध गर्ने एक युवकको विभत्स हत्या भएको छ । धनुषाका २४ वर्षीय युवकलाई टिपरले किचेर हत्या गरिएको हो ।

    मिथिला नगरपालिका ५ श्रीपुरका २४ वर्षीय दिलिप महतोलाई शुक्रवार विहानै ना. ७ ख. ६४१३ नम्बरको टिपरले किचेर हत्या गरेको भन्दै स्थानीय आन्दोलित भएका छन् । महतोको घर नजिकै रहेको खोलामा उत्खनन भइरहेको थियो। उनले पटकपटक त्यसको बिरोध गर्दै आइरहेका थिए । सचेत युवाको भूमिका निभाउदै खोला उत्खननको बिरोध गर्दै आइरहेका उनी रोडाबालुवा माफियाको निसानामा रहेका थिए ।

    शुक्रवार मर्निङवाक गएका समयमा महतोको टिपरले किचेर ज्यान गएको अवस्थामा शव फेला परेपछि उनको हत्या गरिएको भन्दै स्थानीयले सडक अवरुद्ध पारी प्रदर्शन गरिरहेका छन् । मर्निङवाक गएका समयमा खोला उत्खनन भैरहेको देखेपछि उनले विरोध गर्दा टिपरले किचेर बिभत्स हत्या गरिएको स्थानीयको आरोप छ । स्थानीयले हत्यारालाई कारवाहीको माग गरेका छन् ।

    इलाका प्रहरी कार्यालय ढल्केबरले पनि प्रारम्भीक अनुसन्धान बाट टिपरले किचेर हत्या गरेको देखिएको बताएको छ । यद्यपी नियतवस किचेको हो वा होइन अनुसन्धान बाट यकिन हुने प्रहरीको भनाइ छ । प्रहरीले शव पोष्टमार्टमका लागि जनकपुर पठाएको जानकारी गराएको छ। टिपर प्रहरी नियन्त्रणमा रहे पनि टिपर चालक फरार रहेका इलाका प्रहरी कार्यालय ढल्केबरले जनाएको छ । घटनाको अनुसन्धान भैरहेको प्रहरीको भनाइ छ ।(तस्वीर: द पब्लिकबाट )

    प्रतिकृया दिनुहोस्

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...