News Portal

  • कर्णाली प्रदेश सरकारले आफ्नै विश्वविद्यालय बनाउंदै

    भक्तपुर, २ माघ
    १२६३ पटक
    भक्तपुर, २ माघ

    कर्णाली प्रदेश सरकारले आफ्नै विश्वविद्यालय स्थापना गर्न प्रक्रिया थालेको छ । विधेयक निर्माण गर्न सैद्धान्तिक सहमतिको लागि मुख्यमन्त्री तथा मन्त्रिपरिषद् कार्यालयमार्फत प्रक्रिया अघि बढिसकेको सामाजिक विकास मन्त्रालयले जनाएको छ ।

    सामाजिक विकास मन्त्री दल रावलले दुई साताअघि सैद्धान्तिक सहमतिको लागि मन्त्रालयबाट प्रस्ताव पठाइएको बताए । उनका अनुसार मन्त्रिपरिषद्‌बाट सहमति प्राप्त हुनेबित्तिकै आगामी हिउँदे अधिवेशनमा विधेयक पास गरिनेछ । ‘यो विश्वविद्यालय विशुद्ध प्राविधिक धारको हुनेछ, देशका अन्य विश्वविद्यालयभन्दा फरक ढंगले सञ्चालन गर्ने सोच बनाएका छौं,’ उनले भने, ‘कर्णालीको विशेषता सुहाउँदो उच्च प्राविधिक जनशक्ति उत्पादन गर्नु यसको उद्देश्य हुनेछ ।’

    विश्वविद्यालय स्थापना गर्ने योजना प्रदेश सरकारले गत आर्थिक वर्षमै अघि सारेको थियो ।विस्तृत अध्ययन प्रतिवेदन (डीपीआर) तयार गर्न १५ लाख रुपैयाँ विनियोजन गरिएको थियो । सोही प्रतिवेदनको आधारमा चालु आवमा ठोस रुपमा काम अघि बढाउन १ करोड रुपैयाँ विनियोजन गरिएको मन्त्री रावलले जानकारी दिए ।

    मन्त्रालयले विश्वविद्यालयको सम्भाव्यता अध्ययन गरेको छ भने मध्यपश्चिमाञ्चल विश्वविद्यालयका शिक्षाशास्त्र संकायका सहायक डिन विष्णकुमार खड्कासहितको टोलीले स्वरुपबारे प्रतिवेदन तयार पारी बुझाइसकेको छ । ‘यहाँको जलविद्युत, कृषि, जडिबुटीलगायत क्षेत्रमा अध्यापन गराउन छुट्टै प्राविधिक विश्वविद्यालयको स्थापना गर्न सकिन्छ,’ खड्काले भने ।

    विश्वविद्यालय स्थापना गर्न सरकारले करिब ३ अर्ब लगानी लाग्ने अनुमान गरेको छ । आगामी संसद् अधिवेशनमा ऐन पारित भएमा ३ देखि ५ वर्षमा विश्वविद्यालय पूर्णरुपमा सञ्चालनमा आउने रावलले बताए । खड्काको प्रतिवेदनमा भने विश्वविद्यालय प्रदेश सरकारको ७० प्रतिशत र यहाँका स्थानीय तहको ३० प्रतिशत लगानीमा सञ्चालन गर्न सकिने औंल्याइएको छ ।

    कान्तिपुर

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...