News Portal

  • मध्यपुर थिमीमा बृहत फोटो प्रदर्शनी सम्पन्न

    भक्तपुरपोस्ट संवाददाता भक्तपुर, ४ माघ
    १३४५ पटक
    भक्तपुर, ४ माघ

    मध्यपुर सञ्चार समाजको आयोजनामा बृहत फोटो प्रदर्शनी सम्पन्न भएको छ । शनिवार मध्यपुर थिमी ४ स्थित शंखधर चोकमा भब्यरुपमा प्रदर्शनी सम्पन्न भएको हो ।

    राष्ट्रिय विभुती शंखधर साख्वा:को शालिक नजिकै प्रदर्शनी स्थल बनाइ मध्यपुर नगरपालिका भित्र खिचिएका फोटोहरु प्रदर्शनीमा राखिएका थिए । पत्रकार तथा फोटोग्राफर गरी १८ जनाले खिचेका २ सय ३५ वटा फोटोहरु प्रदर्शनीमा राखिएका मध्यपुर सञ्चार समाजका अध्यक्ष बाबुकाजी श्रेष्ठले बताए । मध्यपुर थिमीको ऐतिहासिक, सास्कृतिक कला र सस्कृतीको प्रचारप्रसार,प्रवर्द्धन एवं सम्वर्द्धन गर्न प्रदर्शनी आयोजना गरिएको समाजका अध्यक्ष श्रेष्ठको भनाइ छ ।

    विहान १० बजे देखि अवलोकनका लागि खुला गरिएको प्रदर्शनी बेलुकी ५ बजेसम्म चलेको आयोजकले बताएको छ । करिब ४ सय ५० अवलोकनकर्ताहरुले प्रदर्शनीको अवलोकन गरेका बताइएको छ । संघीय सांसद महेश बस्नेत, रास्ट्रिय विभुती शंखधर साख्वा: प्रतिष्ठानका अध्यक्ष चन्दनकृष्ण श्रेष्ठ,सस्कृतीविद गणेशराज लाक्षी, वासुदेव स्मृती प्रतिष्ठानका अध्यक्ष लक्ष्मणशरण जोशी, नेवा पत्रकार राष्ट्रिय दबुका केन्द्रीय अध्यक्ष सुरजवीर बज्राचार्य, प्रेस संगठन नेपालका भक्तपुर जिल्ला सहसंयोजक संजीप शुभचिन्तक लगायत विभिन्न विद्यालयका प्रधानाध्यापक, सहकारी सस्थाका पदाधिकारी, सामाजिक सस्थाका प्रतिनिधि, शिक्षक, विद्यार्थी र स्थानीयले प्रदर्शनीको अभिरुचीपूर्वक अवलोकन गरेका आयोजकले जनाएको छ ।

    मध्यपुर थिमी नगरपालिकाले प्रवर्द्धन गरेको उक्त वृहत फोटो प्रदर्शनीको उद्घाटन भने नगर प्रमुख मदनसुन्दर श्रेष्ठले गरेका थिए । उद्घाटन पछि मन्तब्य व्यक्त गर्दै प्रमुख श्रेष्ठले यस्ताखाले प्रदर्शनीले मध्यपुरबारे बुझ्न सजिलो हुने र नेपाल भ्रमण वर्षमा मध्यपुरलाई पनि आकर्षणको केन्द्र बनाउन थप सहयोग पुग्ने विस्वास व्यक्त गरेका थिए । उक्त अवसरमा जिल्ला समन्वय समितिका सदस्य उमेश श्रेष्ठ, मध्यपुर थिमी वडा नम्बर ४ का वडाध्यक्ष कुमार श्रेष्ठ, नेपाल पत्रकार महासंघ भक्तपुरका अध्यक्ष पुस्करराज बुढाथोकी लगायतले सञ्चारमा फोटोको महत्वमाथि प्रकाश पार्दै फोटो प्रदर्शनीको आयोजना गरेकोमा मध्यपुर सञ्चार समाजको प्रशंसा गरेका थिए ।

    सच्याइएको : वडा नम्बर ४ हुनुपर्नेमा अन्यथा भएकोले सच्याइएको छ । सम्पादक

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...