News Portal

  • भक्तपुर ट्राफिकले पायो आफ्नै भवन,आइजीपीले उद्घाटन गरे एसएसपी हुँदा शिलान्यास गरेको भवन

    तारा अधिकारी निकिसा / भक्तपुर पोस्ट भक्तपुर, १३ माघ
    २९१९ पटक
    भक्तपुर, १३ माघ

    महानगरीय ट्राफिक प्रहरी परिसर भक्तपुरले आफ्नै कार्यालय भवन पाएको छ । वर्तमान प्रहरी महानिरीक्षक सर्वेन्द्र खनाल ट्राफिक प्रहरी महाशाखाका प्रमुख रहँदा उनैले शिलान्यास गरेको भवन संयोगबस उनी आफैले उद्घाटन समेत गर्ने अवसर प्राप्त गरेका छन् ।

    सोमबार एक बिशेष कार्यक्रमका बीच उक्त भवन आइजीपी खनालले उद्घाटन गरेका हुन् । २०७४ सालमा एसएसपी हुँदा उनले सूर्यविनायकको चुनदेवीमा भवन शिलान्यास गरेका थिए । उक्त भवन समुदाय-प्रहरी साझेदारी अवधारणा अन्तर्गत जनसहभागिताद्वारा निर्माण सम्पन्न भएको हो ।

    निर्माण समितिका अध्यक्ष नविन प्रजापतिले सोमबार प्रहरी महानिरीक्षक खनाललाई सो भवन हस्तान्तरण गरेका हुन् । भक्तपुर ट्रक यातायात व्यवसायी संघका अध्यक्ष समेत रहेका भवन निर्माण समितिका अध्यक्ष प्रजापतिले प्रहरी महानिरीक्षक खनाललाई नवनिर्मित कार्यालय भवनको सांकेतिक साचो सुम्पदै भवन हस्तान्तरण गरेका थिए ।

    प्राप्त भवनको उद्घाटन गर्दै प्रहरी महानिरीक्षक खनालले यसबाट आमनागरीकलाई प्रदान गर्ने सेवाको स्तरमा थप वृद्धि हुने विस्वास व्यक्त गरे । समाजको सुरक्षामा समुदायको समेत सहभागिता आवश्यक भएको भन्दै उनले समुदाय र प्रहरी बीच प्रगाढ सम्बन्ध हुनुपर्नेमा जोड दिएका थिए ।

    प्रहरीको प्रमुख काम शान्ति सुरक्षा कायम गर्नु र अपराध नियन्त्रण गर्नु भएको भन्दै आइजीपी खनालले यसका लागि प्रहरी सदैव समुदायसंग समन्वय गरेर अगाडि बढ्नुपर्ने समेत बताए ।

    समारोहमा भक्तपुरकी सीडीओ हुमकला पाण्डे, महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक विश्‍वराज पोखरेल, महानगरीय ट्राफिक महाशाखाका प्रमुख प्रहरी बरिष्ठ उपरीक्षक भिमप्रसाद ढकाल, महानगरीय प्रहरी परिसर भक्तपुरका प्रमुख प्रहरी उपरीक्षक सविन प्रधान, भवन निर्माण समितिका कोषाध्यक्ष जितेन्द्र खायमली लगायतले सल्लाघारीस्थित हाइटेन्सन तार मुनीको साघुरो कार्यालयमा बसेर पनि सेवा गरिरहेका ट्राफिक प्रहरीको प्रसंसा गर्दै चुनदेवीमा निर्मित आफ्नै नयाँ भवनले काममा थप चुस्तता आउने बिस्वास व्यक्त गरेका थिए ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...