News Portal

  • जहाजको समस्या होइन,क्वारेन्टाइन स्थल तयार हुनासाथ आफ्ना नागरिक ल्याउछौ : प्रवक्ता बाँस्कोटा

    भक्तपुरपोस्ट संवाददाता भक्तपुर, २३ माघ
    ८३४ पटक
    भक्तपुर, २३ माघ

    सरकारका प्रवक्ता गोकुलप्रसाद बाँस्कोटाले चीनको नोभेल कोरोना भाइरस प्रभावित वुहान क्षेत्रमा रहेका नेपालीबारे सरकार अत्यन्तै संवेदनशील रहेको बताएका छन् । परिवारको चिन्ता स्वाभाविक भएको भन्दै प्रवक्ता बाँस्कोटाले सरकार समेत यस विषयमा अत्यन्तै संवेदनशील र सजग रहेको स्पष्ट पारेका हुन् ।

    विहीवार नियमित पत्रकार सम्मेलनमा सञ्चार तथा सूचना प्रविधिमन्त्रीसमेत रहेका सरकारका प्रवक्ता बाँस्कोटाले प्रभावित क्षेत्रमा रहेका नेपालीहरुलाई नेपाल ल्याउने गृहकार्य भैरहेको जानकारी गराए ।

    ”सरकारले उद्धारको तयारी तीव्र पारेका छ, केहि दिनमै हामी ल्याउछौ ।” उनले भने । प्रभावित क्षेत्रबाट ल्याइएका नागरिकलाई १४ दिन ‘क्वारेन्टाइन’मा राखिने बताउदै उनले सो को लागि ‘क्वारेन्टाइन’स्थल चयन भैरहेको भनेका छन् । “जहाजको समस्या होइन, ‘क्वारेन्टाइन स्थल’ बिना हतारमा ल्याइहाल्नु पनि भएन ।” उनले स्पष्ट पारे । प्रवक्ता बाँस्कोटाका अनुसार ‘क्वारेन्टाइन स्थल’मा अलग्गै वार्ड, डाक्टर र ल्याब लगायतको प्रबन्ध गरिनेछ । त्यहाँ उनीहरु स्वस्थ रहेको यकिन भएपछि मात्र परिवारको सम्पर्कमा पठाइने व्यवस्था मिलाइने बताइएको छ ।

    कोरोना भाइरसको सङ्क्रमणलाई अन्तरराष्ट्रिय एकताबाट मुकाबिला गर्नुपर्ने बताउदै उनले मनोबल कमजोर बनाएर नहुने बताए । वुहानमा रहेका नेपालीको अभिभावकत्व राज्यको दायित्व भएको भन्दै उनले चीन सरकारसँग यसबारे गम्भीर संवाद भइरहेको खुलासा गरे । नेपाली नागरिकको स्वास्थ्यप्रति चीनले देखाएको चासोको प्रसंसा गर्दै प्रवक्ता बाँस्कोटाले छिट्टै चीनले कोराना भाइरस माथि विजय प्राप्त गर्ने समेत बिस्वास व्यक्त गरे ।

    उनले १८० जनालाई चीन बाट ल्याउँदा सबै नेपाली बिरामी पर्छन् भन्ने हल्ला फैलाइएको भन्दै हल्लाको पछि मानिसहरु दौडनु नहुने बताए । सरकारले बिहीवार उद्धार गरिने १८० जना नेपालीहरूलाई ‘क्वारेन्टाइन’ गर्ने ४ स्थानको टुङ्गो लगाएको छ जसमा २ स्थान भक्तपुरमा प्रस्ताव गरिएको छ । यस अघि पनि महामारीको रुप लिएको इबोलाको प्रकोप फैलिएका देशबाट आउने सैनिकलाई पनि क्वारेन्टाइनमा राखिएको थियो । सरुवा रोग फैलिएको स्थानबाट आउने मानिसलाई निश्चित अवधिका लागि चिकित्सकीय निगरानीमा अलग्गै राख्ने कामलाई क्वारेन्टाइन भनिन्छ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...