२७माघ २०७६काठमाडौं । शिक्षाविद् केदारभक्त माथेमाले विद्यालय व्यवस्थापन समिति खारेज गर्नुपर्ने बताएका छन् ।विव्यसलाई खारेज गरेर विद्यालयहरुमा बोर्ड अफ ट्रस्टि बनाइनुपर्ने उनको भनाइ छ ।
‘विव्यस खारेज गरिदिए हुन्छ । विव्यस अहिले प्रअको क्याविनेट जस्तो मात्रै भएको छ ।’ माथेमाले भने ।
पहिले गाउँ गाउँमा विद्यालयहरु बोर्ड अफ ट्रस्टिका रुपमा रहेको उनको भनाइ छ ।अहिले त्यो रुप नरहेको उनको दावी छ ।
‘गाउँका ठूलाठालाहरुले विद्यालय खोलेका हुन्थे । उनीहरुजम्मा भएर विद्यालय सञ्चालनका बारेमा सरसल्लाह गर्थे । लगानी जुटाउथे । सप्ताह लगाउने, चन्दा उठाउने, अन्न उठाउने गर्थे । स्वामित्व हुन्थ्यो नि । हाम्रो विद्यालय भन्ने थियो । अहिले त्यो भएन ।’ माथेमाले भने ।
सामुदायिक विद्यालयहरुमा कसैको पनि स्वामित्व नहुँदा समस्या भएको उनको भनाइ छ ।
‘सामुदायिक विद्यालय कसको हो ? निश्चित नै भएन ।’ माथेमाले भने– ‘हरेक विद्यालयहरुमा स्वतन्त्र व्यक्तिहरुको सञ्चालक बोर्ड भए मात्रै सुधार आउछ ।’ ‘निजी कम्पनीमा बोर्ड अफ गभर्नर हुन्छ । जसरी निजी कम्पनीको बोर्डले स्वामित्व लिन्छ । कसरी फण्डिङ गर्ने, नयाँ नयाँ योजना बनाउने गर्छ । अब विद्यालयहरुले पनि बोर्डमार्फत् काम गर्नुप¥यो ।’ माथेमाले भने ।
सरकारले पनि प्रयाप्त अनुदान र शिक्षक दरबन्दी नदिने विद्यार्थीसँग उठाउन पनि नसक्ने अवस्थाले सामुदायिक विद्यालयहरु कमजोर र अस्तव्यस्त बन्दै गएको उनको भनाइ छ ।
विद्यालयहरुलाई राजनीतिक अखडा बनाउन नहुने नातावाद, कृपावाद हावी हुन दिन नहुने माथेमाले स्पष्ट पारे ।
उनले भने–‘शिक्षाको यही अवस्थाले समृद्धि आउँदैन ।’