प्रहरीलाई प्राय: घटना घटेपछि पुग्ने गरेको आरोप लाग्ने गर्छ तर सोमवार भने घटना हुँदाहुँदै प्रहरी पुगेको छ र अपराधी पक्राउ समेत परेको खबर छ ।

मध्यपुर थिमी-२ सानोठिमीमास्थित ममता श्रेष्ठको २ तल्ले घरको भुई तल्लामा डेरा गरी बस्ने सिन्धुपाल्चोक साँगाचोकगढीकी २० वर्षिया जुनु श्रेष्ठको कोठाको ढोका फोरी चोरी गर्दागर्दै चोरहरु समात्न प्रहरी भएको हो ।

बेलुकी करिब ५ बजे अपरिचित मानिसहरुले ढोका फुटाउदै गरेको भन्ने खवर प्राप्त हुनासाथ महानगरीय प्रहरी वृत्त ठिमीकोप्रहरी टोली खटी गई उक्त कार्यमा संलग्नहरुलाई समात्न सफल भएको प्रहरीले जनाएको छ ।

प्रहरीका अनुसार पक्राउ पर्नेमा ताप्लेजुङ घर भई हाल काठमाण्डौ-१८ बस्ने पुजन लिम्बु,काभ्रे घर भई हाल काठमाण्डौ डल्लु बस्ने बर्ष १८ को अनिल तामाङ रहेको प्रहरीले जानकारी गराएको छ । उनेहरुको साथबाट छिनो, खुकुरी, लगायत मौका वारदातमा प्रयोग हुने सामाग्री समेत बरामत गरिएको महानगरीय प्रहरी परिसरका प्रवक्ता रहेका डीएसपी दीपक गिरीले जानकारी दिए । पक्राउ परेका लिन्बु र तामाङ्गलाइ वृत्तमा राखी थप अनुसन्धान भैरहेको उनको भनाइ छ ।