News Portal

  • सम्पादकीय : प्रधानमन्त्री ओलीले दिए आफू भ्रष्टाचारप्रति ‘शून्य सहनशील’ रहेको संदेश

    संजीप शुभचिन्तक भक्तपुर, ८ फागुन
    ११३० पटक
    भक्तपुर, ८ फागुन

    प्रधानमन्त्री केपी शर्मा ओलीका निकै निकट मानिने सञ्चार तथा सूचना प्रविधि मन्त्री गोकुलप्रसाद बाँस्कोटाले राजीनामा दिएसंगै प्रधानमन्त्री ओलीले आफू भ्रष्टाचारप्रति शून्य सहनशील रहेको संदेश दिन सफल भएका छन् । सरकारका प्रवक्ता समेत रहेका बाँस्कोटाको अनुहार हेरेरै सरकार बिरोधीहरु डराउने गरेका भन्दै उनको तारिफ गर्दै आएका प्रम ओलीले उनलाई मन्त्रीबाट नहटाउने अड्कलबाजीका बीच राजीनामा आएपछि प्रम ओली भ्रष्टाचारप्रति शून्य सहनशील रहेको संदेश दिन सफल भएका हुन् ।

    सेक्युरिटी प्रेस खरिदमा मन्त्री बाँस्कोटाले ७० करोड कमिसन मागेको अडियो वार्ता सार्वजनिक भएपछि उनी अप्ठ्यारोमा परेका थिए । तर, उनी प्रम ओलीको खास रुचाइएको मन्त्री समेत रहेकाले उनलाई अडियो काण्डले केहि असर नपुग्ने आकलन गरिएको थियो ।

    प्रम ओलीको बालकोटस्थित निजी निवासलाई नै मन्त्री क्वाटर बनाएर बस्दै आएका कारण बाँस्कोटा प्रभावशाली एवं प्रम ओलीका सबैभन्दा प्रिय मन्त्री मानिन्थे । त्यतिमात्र होइन, मन्त्रीपरिषद बैठकमा समेत प्रम ओलीले अरु मन्त्रालयका विषयमा समेत बाँस्कोटासंग राय लिन थालेपछि उनी अझ शक्तिशाली र सशक्त भूमिकामा रहेका थिए । प्रम ओलीसामु क्याबिनेटमा निर्धक्क कुरा राख्न सक्ने बाँस्कोटा मात्र थिए । कतिपय मन्त्रीले आफ्ना मन्त्रालयका कुरा समेत बाँस्कोटा मार्फत व्याख्या गर्ने गरेका थिए ।

    प्रधानमन्त्री ओलीले उनलाई यति धेरै विस्वास र माया गरे कि उपेन्द्र यादव नेतृत्वको संघीय समाजबादी पार्टी सरकारबाट बाहिरीए पछि शहरी विकास मन्त्रालयको जिम्मेवारी पनि बाँस्कोटाकै काधमा सुम्पिदिए । तर, रुखो स्वभाव र खस्रो बोलीका कारण बाँस्कोटा बेलाबेलामा बिबादमा भने परी नै रहे । उनी जति नै बिबादित बनेपनि प्रम ओलीको आशिर्वाद उनको साथ् बाट छुटेन ।

    तर, बिहीवार उनले आफ्नो सबैभन्दा प्रिय मन्त्रीलाई राजीनामा गराए । भ्रष्टाचारमा मुछिएपछि उनको राजीनामा आवश्यक नै थियो । राजनीतिमा कतिपय सतहमा देखिएका कुरा पनि झुटा सावित हुन्छन जसको ज्वलन्त उदाहरण निवर्तमान सभामुख कृष्णबहादुर महरा हुन् । भलै महरा जस्तै बाँस्कोटा पनि निर्दोष हुनसक्छन । तर,राजनीतिमा रहनेले नैतिकताको प्रश्नमा अनेकै पटक परीक्षा दिन तयार रहनुपर्छ । जुन परीक्षामा यतिबेला गोकुल बाँस्कोटा परेका छन् ।

    प्रधानमन्त्री केपी शर्मा ओलीले आफ्ना प्रिय मन्त्री गोकुललाई जसरी राजीनामा गराए, यसले उनको भ्रष्टाचारविरुद्धको प्रतिबद्धतालाई पुष्टि गरेको छ । यसबारे थप अनुसन्धान अघि बढाएर प्रम ओलीले गोकुल बाँस्कोटालाई आफू निर्दोष रहेको सावित गर्ने मौका दिउन् र दोषी ठहर भए थप कारवाहीका प्रक्रिया अघि बढाउन् । आफ्नो अभिन्न अंग झैँ माया गरेका नेता गोकुल बास्कोटालाई समेत नछाड्ने प्रधानमन्त्री ओलीले गल्ती गर्ने कसैलाई छाड्दैनन् भन्ने यो संदेश उनको कार्यकालभर भ्रष्टचार विरुद्धको एक अस्त्र बनोस् भन्ने अपेक्षा गरौँ ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...