News Portal

  • भाटभटेनीमा जुत्ता किन्दा भक्तपुर पोस्टका मानन्धरलाई पर्यो बेलायत जाने चिठ्ठा

    भक्तपुरपोस्ट संवाददाता भक्तपुर, १० फागुन
    २२४२ पटक
    भक्तपुर, १० फागुन

    भक्तपुर पोस्टका ब्यवस्थापक समेत रहेका पत्रकार एवम् ब्यवसायी राजेशमान मानन्धर(रिभेकमान) लाई बेलायत जाने चिठ्ठा परेको छ । न्यू ब्यालेन्स ब्राण्डको जुत्ता खरिद गर्दा उनलाई उक्त चिठ्ठा परेका हो ।

    देशैभरी सन्जाल रहेको भाटभटेनी सुपरमार्केटले आफ्ना ग्राहकका लागि ल्याएको चिठ्ठा योजना अन्तर्गत भाग्यशाली ग्राहकमा परेपछि मानन्धरले बेलायत जाने अवसर पाएका हुन् ।

    उनले मध्यपुर ठिमीको राधेराधेस्थित भाटभटेनी सुपरमार्केट बाट २ महिना अघि न्यू ब्यालेन्स ब्राण्डको जुत्ता खरिद गरेका थिए ।

    बिहीबार एक प्रत्यक्ष कार्यक्रममा लक्की ड्र मार्फत भाग्यशाली ग्राहक छान्दा मानन्धर छानिएका राधेराधेस्थित भाटभटेनी सुपरमार्केटका म्यानेजर विनोेदराज गिरीले बताए ।

    भाटभटेनीका देशैभर रहेका १८ सुपरमार्केट मध्ये आफ्ना पाँच भाग्यशाली ग्राहकहरुलाई चर्चित इङलिस क्लब लिभरपुलको घरेलु मैदान एनफिल्डमा प्रिमियर लिगको प्रत्यक्ष अवलोकन गर्न लैजाने उनको भनाइ छ ।

    भाटभटेनी भक्तपुरकी सेल्स सुपरभाइजर लक्ष्मी राईले भक्तपुर पोस्टसंग भने अनुसार एक जनाले १५ हजार बराबरको न्यु ब्यालेन्स ब्राण्डको सामग्री किन्दा एक कुपन पाएका थिए । भक्तपुरको भाटभटेनीबाट ८४ वटा कुपन ‘लक्की ड्र’ मा राखिएको थियो ।

    भाग्यशाली ५ जना ग्राहकहरुलाई भाटभटेनीले सम्पूर्ण खर्च व्यहोर्ने गरी २१ मार्च, २०२० का दिन इङलिस प्रिमियर लिग तर्फ लिभरपुल र क्रिस्टल प्यालेसबीच हुने खेल प्रत्यक्ष हेर्न एनफिल्ड (लिभरपुल, बेलायत) लैजाने घोषणा बमोजिम लक्की ड्र भएको हो ।

    भाग्यशाली ५ जना ग्राहकहरु छान्न भएको ‘लक्की ड्र’ मा भक्तपुरबाटै २ जना परेका छन् । अर्का भक्तपुरका भाग्यशाली ग्राहक भने भक्तपुरकै कुमार केसी रहेका छन् । थप ३ जनामा भने पोखराबाट १, बुटबल बाट १ र विराटनगर बाट १ जना छानिएका छन् । देशैभरका कुपन एकै ठाउँ राखी एक विशेष कार्यक्रमका बीच प्रत्यक्ष प्रशारण मार्फत कुपन झिकिएको थियो । उक्त कार्यक्रमको संचालन माल्भिका सुब्बाले गरेकी थिइन् भने बिभिन्न ख्यातीप्राप्त व्यक्तिहरुले क्रमश कुपन छनोट गरेका थिए ।

    बेलायत जाने अवसर पाएका भक्तपुर पोस्टकर्मी मानन्धरलाई प्रत्यक्ष कार्यक्रमकै बीच माल्भिकाको फोन आएको थियो । ”शुरुमा त मलाइ पत्यार नै लागेन । कसैले जिस्काए जस्तो लाग्यो ।” भाग्यशाली बिजेता बनेका मानन्धरले भने । उनलाई योजना ग्राहक तान्न मात्र प्रचार गर्ने कुरा जस्तो लागेपनि आफैलाई परेपछि भने दंग परेको प्रतिक्रिया दिएका छन् ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...