News Portal

  • खरिपाटी क्वारेन्टाइनको यस्तो छ पछिल्लो अवस्था : १४ दिनको बसाइ लम्बियो

    संजीप शुभचिन्तक भक्तपुर, १७ फागुन
    १४७५ पटक
    भक्तपुर, १७ फागुन

    चीनको वुहानमा फैलिएको नोभेल कोरोना भाइरस (कोभेड १९) को महामारी पछि नेपाल फर्काइएका १ सय ७५ जना नेपालीलाई सरकारले भक्तपुरस्थित क्वारेन्टाइनमा राखेको १४ दिन भएको छ । जिल्लाको खरिपाटीस्थित नेपाल विद्युत प्राधिकरणको तालिम केन्द्रमा क्वारेन्टाइन बनाइ उनीहरुलाई राखेको १४ दिन पुगेको हो ।

    यस बीच क्वारेन्टाइनमा राखिएका सबैको स्वास्थ्य अवस्था राम्रो रहेको छ । क्वारेन्टाइन श्रोतले भक्तपुर पोस्टलाई जानकारी गराए अनुसार १४ दिन क्वारेन्टाइनमा राखे पछि घर फर्काउने भनिएपनि उनीहरुलाई कहिले घर पठाउने भन्ने आधिकारिक निर्णय हुन भने सकेको छैन ।

    शनिवार विहान स्वास्थ्य मन्त्रलायका सचिव सहितको टोली क्वारेन्टाइन स्थलमा आएको थियो । अन्तिम स्वास्थ्य परीक्षण गरेर मात्र क्वारेन्टाइनमा रहेका सबैलाई घर पठाउने सरकारले निर्णय गरेपछि अन्तिम परीक्षणका लागि घाटीको नमूना संकलन गरी प्रयोगशाला पठाइएको छ । क्वारेन्टाइन श्रोतले जनाए अनुसार उक्त नमूनाको रिपोर्ट सोमबार सम्म आइपुग्ने अपेक्षा गरिएको छ । ”सोमबारसम्म क्वारेन्टाइनको बसाइ लम्बिएको छ । त्यसपछि सरकारले विशेष कार्यक्रम गरी बिदाइ गर्ने मिति बारे निर्णय लिनेछ ।” श्रोतले भक्तपुर पोस्ट संग भन्यो ।

    क्वारेन्टाइनमा रहेका सबैजना लाई विश्व स्वास्थ्य संगठनको मापदण्ड बमोजिम राखिएको छ । मेडिकल डाक्टरको विशेष टोलीले उनीहरुमाथि निगरानी गरिरहेको बताइएको छ । विद्युत प्राधिकरणको चारवटा भवन प्रयोग गरी बनाइएको क्वारेन्टाइनमा सिसिक्यामरा, टेलिभिजन, स्पीकर, वाइफ़ाइ जडान गरिएको छ । दैनिक आवश्यक सबै सामग्री सरकारले उपलब्ध गराउनुका साथै भलिबल, क्यारेमबोर्ड लगायत पर्याप्त खेल सामाग्री समेत व्यवस्था गरिदिएको छ । सबैजनालाई सरकारले सिम कार्ड समेत उपलब्ध गराई परिवारको सम्पर्कमा रहन सहयोग गरेको छ ।

    क्वारेन्टाइनमा रहेकाहरु खुशी देखिएका छन् । सरकारले उनीहरुलाई कुनै पनि कुरामा सम्झौता नगरेको बताइएको छ । घर जाने दिनको ब्यग्र प्रतिक्षामा रहेका उनीहरु दोश्रो चरणको टेस्टबाट पनि निरोगी प्रमाणित हुने कुरामा ढुक्क देखिएका छन ।

    भक्तपुर पोस्टलाई प्राप्त सरकारी तथ्याङ्क अनुसार नेपालमा नोभेल कोरोन भाइरस (कोभेड १९) रोगको लक्षणका आधारमा हालसम्म २ सय २४ वटा नमूना जाँच भैसकेका छन् । यो जाँच टेकुस्थित सरुवा रोग नियन्त्रण अस्पतालको जाँच बाट शंका लागेको अवस्थामा कन्फम गर्नका लागि गरिने जाँच भएको बताइएको छ । हंगकंग लगेर नमूना जाँच गरिएका हुन् । २ सय २४ केसमा एउटा बाहेक सबैमा ‘नेगेटिभ’ अर्थात कोभिड-१९ को संक्रमण नभएको पुष्टी भएको छ भने एउटा केशमा भने रोग लागेको रिपोर्ट आएको बताइएको छ । ति संक्रमण देखिएका बिरामी सरकारले उद्धार गरी भक्तपुरमा राखेका नागरिक भने होइनन । निजी भ्रमण गरी चीनबाट फर्केका उनमा रोग प्रमाणित भएपनि हाल सन्चो भैसकेको बताइएको छ ।

    हेर्नुस् स्वास्थ्य अवस्थाको ताजा परिणाम

    प्रतिकृया दिनुहोस्

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...

    यस्तो बन्यो भक्तपुरको गौरवको योजना : २५ गते उद्घाटन

    bhajya pukhu bhaktapur

    १२ औं शताब्दीमा बनेको भक्तपुरको भाज्या पोखरीको पुनर्निर्माण सम्पन्न गरिएको छ । लोप हुने अवस्थामा...