बनेपा, २१ फागुन । काभ्रेपलाञ्चोकको कोशीपारिस्थित चौंरीदेउराली गाउँपालिका–५ मा यात्रुवाहक बस दुर्घटना भएको छ । विहान भएको दुर्घटनामा ४० बढी घाइते भएका छन् ।

रामेछापबाट काठमाडौँतर्फ आउँदै गरेको बा४ख ७१०२ नम्बरको बस पछाडि सार्ने क्रममा सडकबाट ५० मिटर तल खसेर दुर्घटना भएको प्रहरीको भनाइ छ ।

घाइतेहरु सबैको उद्धार गरिएको र उपचारका लागि धुलिखेल अस्पताल पठाइएको बताइएको छ ।घाइतेमध्ये ६ को अवस्था गम्भीर रहेको प्रहरीले जनाएको छ । गाडीको चालक भने फरार रहेका छन् ।