News Portal

  • रोल्पामा नगर पुस्तकालय स्थापना

    महेश न्यौपाने/रोल्पा२१ फागुन २०७६
    ६८९ पटक
    २१ फागुन २०७६

    रोल्पा नगरपालिकाले सार्वजनिक पुस्तकालय स्थापना गरेको छ । एक वडा एक पुस्तकालयको कार्यक्रम अघि सारेको नगरपालिकाले सदरमुकाम लिवाङमा पुस्तकालय स्थापना गरेको हो ।

    नगरपालिकाको निर्माण सामग्री  सहयोग र खडक दल गण रोल्पाको श्रम सहयोगमा निर्माण गरिएको सो पुस्तकालय भवनको बुधवार पूर्व सभामुख कृष्णबहादुर महराले उद्घाटन गरेका हुन् ।

    रोल्पा  नगर पुस्तकालय नामाकरण गरिएको सो पुस्तकालयका लागि पूर्व सभामुख कृष्णवहादुर महरालगायतले पुस्तक हस्तान्तरण गरेका  थिए । महराले चीनका राष्ट्रपति किम ईल जुङको  जीवनी, आफु अर्थमन्त्री हुँदाको बजेट  नीति तथा कार्यक्रम समेटीएको पुस्तक तथा आफ्नो जेठो छोरा  निर्मल महराद्वारा लिखित दश वर्षे जनयुद्ध फर्केर  हेर्दा भन्ने पुस्तक नगर प्रमुख पूर्ण केसीलाई हस्तान्तरण गरेका थिए ।

    सोही कार्यक्रममा खडक दल गणको तर्फवाट समेत पुस्तकालयका  लागि केही पुस्तक  हस्तान्तरण गरिएको थियो । कार्यक्रममा जिल्लामा रहेका पत्रकार,  साहित्यकारलगायतले समेत पुस्तकालयका लागी पुस्तक हस्तान्तरण गरेका थिए । आगामी दिनमा नगरपालिका तथा पाठक र सुभेच्छुकहरुको सहयोगवाट पुस्तकालयका लागि आवश्यक थप पुस्तक व्यवस्थापन गर्ने नगरपालिकाले जनाएको छ ।

    पुस्तकालय उद्घाटन कार्यक्रममा  बोल्दै पूर्व  सभामुख कृष्ण बहादुर महराले आफु जेल बस्दा लेखेको संस्मरणात्मक पुस्तक प्रकाशन गर्न लागेको बताए । ‘वि.पि जेल बस्दा जेल जर्नल लेखेका थिए मैले जेल जीवन नामक पुस्तक लेख्दैछु’– महराले भने ।

    आफु पुस्तक पढ्न निकै मन पराउने व्यक्ति भएको बताउदै महराले पुस्तकालय अझै ठूलो आकारमा विकास गर्न सुझाब दिए । पठन संस्कति प्रति नयाँ पुस्ताको आकर्षण हराउदै गएको बताउदै पुस्तकालयले पठन संस्कृतिको  विकासमा टेवा पुर्याउने महराको भनाई थियो ।

    उद्घाटन कार्यक्रममा नेपाली  कांग्रेसका नेता एवम पूर्व सांसद लेखनाथ आचार्य, प्रदेश ५ सभा सदस्य दीपेन्द्र पुन, जिल्ला समन्वय समिति रोल्पाको प्रमुख राजवहादुर बुढाको आतिथ्यता रहेको थियो । रोल्पा नगरपालिकाका प्रमुख पूर्ण केसीको  अध्यक्षतामा भएको कार्यक्रममा नगर उप प्रमुख मनकुमारी घर्तीको स्वागत गरेकी थिइन् । कार्यक्रमको संचालन देवी गुरुङले गरेकी थिईन ।

    प्रतिकृया दिनुहोस्

    बागमती प्रदेशको बजेट बक्तब्यमा पनि भक्तपुरको उल्लेखनीय उपस्थिति

    बागमती प्रदेश सरकारले ६४ अर्ब ५४ करोड ४ लाख ३१ हजारको बजेट सार्वजनिक गरेको छ...

    मधेसी र पहाडी मिल्नुपर्नेमा राजेन्द्र महतोको जोड

    प्रेमनाथ पौडेल, सर्लाही । पूर्व उप प्रधानमन्त्री राजेन्द्र महतोले पहाडी र मधेसीको एकतामा जोड दिएका...

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...