काठमाडौँ, २७ फागुन सत्तारुढ दल नेपाल कम्युनिष्ट पार्टी (नेकपा)को युवा संगठन राष्ट्रिय युवा संघ नेपालले नोभेल कोरोना भाइरस(कोभिड-१९) को संक्रमण हुन नदिन सरकारलाई ध्यानाकर्षण पत्र पेश गरेको छ । नेपालमा संक्रमण नदेखिए पनि ढुक्क हुने अवस्था नरहेको भन्दै युवा संघ भरपर्दो तयारी र उचित व्यवस्था गर्न माग गर्दै स्वास्थ्य तथा जनसंख्यामन्त्री भानुभक्त ढकाललाई ८ बुँदे ध्यानाकर्षण पत्र बुझाईको हो ।
मंगलवार बिहान राष्ट्रिय युवा संघ नेपालको तर्फबाट संयोजक रामप्रसाद सापकोटा दीपशिखाको नेतृत्वमा मन्त्रालय पुगेको युवाहरुको टोलीले मन्त्री ढकाललाई ८ बुँदे ध्यानाकर्षण पत्र दिएको थियो । युवा संघले छिमेकी देश चीनको वुहान बाट फैलिएको मानिएको यस रोगले अर्को छिमेकी देश भारतलाई समेत प्रभावित पारेकोले नेपालमा यसको संक्रमण हुन नदिन अहोरात्र खट्नु पर्ने आवश्यकतामा जोड दिएको छ ।
राज्यलाई आवश्यक परे सहय्योगका लागि जुनसुकै बेला राष्ट्रिय युवा संघ नेपाल तयार रहेको उक्त अवसरमा नेताहरुले प्रतिवद्धता प्रकट गरे ।
।
ध्यानाकर्षण पत्र बुझ्दै मन्त्री ढकालले कोभेड-१९ को संक्रमणबाट नेपालालाई बचाउन सरकारले गरिरहेका कामकारवाही बारे जानकारी गराएका थिए भने सरकारले यसबारे उच्च सतर्कता अपनाइरहेको बताए ।
हेर्नुस् ध्यानाकर्षण पत्र
