सानोठिमी, २७ फागुन अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियू) को भक्तपुर जिल्ला कमिटीले पूर्णता पाएको भोलीपल्ट नै उक्त संगठनको सानोठिमी क्याम्पस कमिटीले पनि पूर्णता पाएको छ ।
सोमबार अनेरास्ववियूको ५१ सदस्यीय सानोठिमी क्याम्पस कमिटी गठन भएको हो । यस अघि आइतवार उक्त संगठनको जिल्ला नेतृत्वले सानोठिमी क्याम्पस कमिटी संयोजकमा प्रकाश केसी र सह संयोजकमा गोरख केसीलाई चयन गर्दै ५१ सदस्यीय क्याम्पस कमिटी बिस्तार गर्न म्यान्डेट दिएको थियो ।
नेपाल कम्युनिष्ट पार्टी (नेकपा) को विद्यार्थी संगठन अनेरास्ववियूको ५१ सदस्यीय सानोठिमी क्याम्पस कमिटीमा तत्कालीन अनेरास्ववियू(क्रान्तिकारी) बाट २६ जना र तत्कालीन अनेरास्ववियुबाट २५ जना चयन भएका छन् । गत स्ववियू निर्वाचनमा उक्त क्याम्पसमा तत्कालीन अनेरास्ववियू(क्रान्तिकारी) का रमेश खड्काले सभापतिमा जीत हासील गरेका थिए । अहिले उनी अनेरास्ववियूका केन्द्रीय सदस्य समेत हुन् ।
हेर्नुस् अनेरास्ववियूको सानोठिमी क्याम्पस कमिटी
