News Portal

  • एसईई रोकेर सावधानी अपनाउने कि नरोकेर जोखिम उठाउने : सोमबार निर्णय हुने

    भक्तपुरपोस्ट संवाददाता भक्तपुर, २ चैत
    २४२८ पटक
    भक्तपुर, २ चैत

    भक्तपुर । विहीवारदेखि शुरु हुने माध्यमिक शिक्षा परीक्षा(एसईई) हुने / नहुने बारे अन्योल कायमै छ । यद्यपी शिक्षा, विज्ञान तथा प्रविधि मन्त्रालयले भने आइतवार सम्म पनि परीक्षा हुने विषयमा कुनै अन्योल नरहेको जिकिर गर्दै आएको छ ।

    कोरोना भाइरस (कोभेड १९) ले विश्वव्यापी महामारी लिएको अवस्थामा नेपालमा पनि सम्भावित संक्रमणलाई मध्यनजर गर्दै एसईई स्थगित गर्नुपर्ने मतहरु बाहिर आएका छन् । भक्तपुर पोस्टलाई प्राप्त सूचना अनुसार सरकारका सचिव स्तरीय बैठकमा परीक्षा गरेर जोखिम मोल्न नहुने तर्क गरिएको छ ।

    शिक्षा, विज्ञान तथा प्रविधि मन्त्रालयले भने परीक्षा गर्ने वा नगर्ने बारे अन्तिम निर्णय लिन प्रदेशका सामाजिक विकाश मन्त्रीहरुको बैठक डाकेको छ । भक्तपुर पोस्ट श्रोतका अनुसार सोमबार प्रदेशका सामाजिक विकाश मन्त्री सहितको बैठकमा एसईईको तयारी र कोरोनाको प्रभावबारे छलफल हुनेछ । एसईई परीक्षाको संचालन प्रदेश सरकारले गर्ने भएकाले पनि प्रदेशका सामाजिक विकाश मन्त्रीहरुको धारणा सहित संघीय सरकारले परीक्षाबारे निर्णय लिन खोजेको श्रोतको दावी छ । शिक्षा, विज्ञान तथा प्रविधि मन्त्री गिरिराजमणि पोखरेलले प्रदेशका सामाजिक विकाश मन्त्रीहरुको सोमबार बैठक बोलाएका हुन् ।

    आइतबार राष्ट्रिय सभामा बोल्दै स्वास्थ्यमन्त्री भानुभक्त ढकालले कोरोनाभाइरस संक्रमणले माहामारीकै रुप लिए एसईई सर्न सक्ने संकेत गरेका थिए । कुनै एउटा केन्द्रमा संक्रमणको अवस्था देखिए अथवा परीक्षाकै क्रममा कोरोनाले बिरामी बनाए परीक्षा प्रभावित बन्ने विषयमा दुईमत देखिंदैन । यसर्थ, शुरुमै परीक्षा रोकेर सावधानी अपनाउने अथवा जोखिमको अपजस बोकेरै भएपनि परीक्षा गर्ने भन्ने कुरामा सरकार दुविधामा रहेको देखिएको छ ।

    सरकार सोमबार एउटा निष्कर्षमा पुग्ने अपेक्षा गरिएको छ । सरकारले यस अघि नै अन्य परीक्षा भने चैत पाँच गते भित्र सकाइसक्न निर्देशन दिइसकेको छ ।

    यसवर्ष देशभर १ हजार ९ सय ९५ वटा एसईई परीक्षा केन्द्र राख्ने तयारी रहेको छ । शिक्षा, विज्ञान तथा प्रविधि मन्त्री गिरिराजमणि पाखेरेल र स्वास्थ्य तथा जनसंख्या मन्त्री भानुभक्त ढकाल सहभागी बैठकले सबै परीक्षा केन्द्रमा हेल्थ डेस्क स्थापना गर्ने र कोरोनाको संक्रमण हुन नदिने गरी एसईई परीक्षा संचालन गर्ने निर्णय लिइसकेको छ ।

    याे पनि

    सिंहदरवारमा प्रदेशका सामाजिक विकाश मन्त्री सहितको बैठक सकियो : एसईई नरोकिने

     

     

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...