भक्तपुर, ४ फागुन भक्तपुरको कौसलटारमा सडक दुर्घटनामा परी एक युवकको ज्यान गएको छ भने युवती प्रहरी नियन्त्रणमा रहेकी छन् ।
मध्यपुर ठिमी ३ कौशलटार स्थित छ लेन सडकमा मंगलवार दिउसो मोटरसाइकल र स्कुटर ठोक्किदा मोटरसाइकल चालक रहेका युवकको ज्यान गएको हो । ज्यान जानेमा काभ्रेपलाञ्चोक जिल्लाको पनौती १२ रोशी बस्ने बर्ष २२ को सरोज श्रेष्ठ रहेको महानगरीय प्रहरी परिसरका डीएसपी दिपक गिरीले जानकारी दिए ।
कोटेश्वरबाट सूर्यबिनायक तर्फ आउदै गरेको बा ५८ प १६७७ नं. को मोटर साइकलले सोही दिशाबाट आउदै गरेको स्कुटर लाई ठक्कर दिंदा भएको दुर्घटनामा परी मोटरसाइकल चालक श्रेष्ठको ज्यान गएको प्रहरीको भनाइ छ । सख्त घाईते भएका श्रेष्ठलाई गठ्ठाघरस्थित नागरिक
अस्पताल पुर्याएपनि उनलाई बचाउन नसकिएको बताइएको छ ।
स्कुटर चालक मध्यपुर ठिमी नगरापालिका वडा नम्बर ८ बोडे बस्ने बर्ष १८ की ईशा ढेकेलाई नियन्त्रणमा लिई घटनाको थप अनुसन्धान कार्य भईरहेको प्रहरीले जनाएको छ ।