News Portal

  • कोरोनाको कारण बिस्केट जात्रामा बाधा : बाधा फुकाउन मेयरको नेतृत्वमा १० सदस्यीय समिति

    हिना सुवाल / भक्तपुरपोस्ट भक्तपुर, ६ चैत २०७६
    ४५६१ पटक
    भक्तपुर, ६ चैत २०७६

    नयाँ वर्षसंँगै मनाइने ऐतिहासिक एवं सांस्कृतिक महत्व बोकेकोे भक्तपुरको बिस्केट जात्रा यस वर्ष कसरी मनाउने भन्ने विषयमा बिचारबिमर्स शुरु भएको छ । कोभेड १९ को अन्तराष्ट्रिय माहामारी र नेपालमा रोग भित्रिन सक्ने जोखिमका बीच लिच्छवीकालीन बिस्केट जात्रालाई कसरी निरन्तरता दिने भन्ने विषयमा चासो र चिन्ता व्यक्त गरिएको छ ।

    भक्तपुर नगरपालिकाको आयोजनामा बिहीवार बिस्केट जात्रा व्यवस्थापनसम्बन्धी सरोकारवालाहरुसँग छलफल कार्यक्रम सम्पन्न भयो । कार्यक्रमम प्रमुख बक्ताको रुपमा रहेका नगर प्रमुख सुनिल प्रजापति, प्रमुख जिल्ला अधिकारी हुमकला पाण्डे, प्रहरी उपरीक्षक सविन प्रधान त्यसैगरी वडाध्यक्ष कुमार चवाल र राजकृष्ण गोरा,गुठी संस्थान भक्तपुरका प्रमुख आनन्द कर्माचार्य सहभागीहरु रामबहादुर प्रजापति, केशव तमखु, न्हुछेराम भेले, गोविन्द मल्ल लगायतले कोरोना भाइरसको त्रासले गर्दा यस वर्ष बिस्केट जात्रा चुनौतीपूर्ण भएको भनेका थिए । सरकारले पच्चीस जना भन्दा बढी भेला नहुन उर्दी जारी गरेको अवस्थामा जात्रा मनाउनु चुनौती भएको उनीहरुको भनाइ छ ।

    बिस्केट जात्रा सञ्चालन सम्बन्धी आवश्यक निर्णय लिन नगर प्रमुख सुनिल प्रजापतिको संयोजकत्वमा एक कार्यदल नै गठन गरिएको छ । उक्त कार्यदल १० सदस्यीय बनेको नगरपालिकाले जनाएको छ ।  कार्यदलको निर्णयानुसार  जात्रा व्यवस्थापन गरिने बताइएको छ । यस अघि चैत ४ देखि ८ गते सम्मका लागि तय भएको भक्तपुर महोत्सव कोरोनाकै कारण स्थगित गरिएको थियो । बिस्केट जात्राका लागि भने अझै समय रहेकोले त्यस बेला सम्म कोभेड १९ को प्रकोप अन्त्य हुने आशा गरिएको छ ।

    कार्यदलका सदस्यहरु यस प्रकार रहेका छन् :
    १. संयोजक – सुनिल प्रजापति
    २. सदस्य – प्रमुख जिल्ला अधिकारी
    ३. सदस्य – भनपा वडा नं. ४ का वडाध्यक्ष
    ४. सदस्य – भनपा वडा नं. ५ का वडाध्यक्ष
    ५. सदस्य – जिल्लाका सुरक्षा निकाय प्रमुखहरु
    ६. सदस्य – भक्तपुर विद्युत प्राधिकरण प्रमुख
    ७. सदस्य – भक्तपुर दूर सञ्चार प्रमुख
    ८. सदस्य – खानेपानी तथा सरसफाइ डिभिजन प्रमुख
    ९. सदस्य – भैरवनाथ जात्रा सहयोग समिति
    १०. सदस्य – भैरवनाथ गुठी नाइके

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...