भक्तपुरपोष्ट संवाददाता८ चैत २०७६
८ चैत २०७६काठमाडौँ । कोरोना भाइरस(कोभिड–१९)को सम्भावित जोखिमबाट बच्न उपत्यका छाड्ने मानिसहरुको संख्या बढ्न थालेको छ । अझ सरकारले चैत ९ गते देखि लामो दूरीको सवारी साधनको सञ्चालनमा रोक लगाएपछि उपत्यका छाड्ने दरमा वृद्धि भएको हो ।
महानगरीय ट्राफिक प्रहरी महाशाखाका अनुसार शनिवार साँझसम्म एकै दिन १ लाख ८६ हजार ५ सय ४९ यात्रु बाहिरिएका छन् । बाहिरिने गाडीको सङ्ख्या २७ हजार २ सय ६० रहेको छ।
टिकट काउन्टर र बसपार्कमा शनिवार यात्रुको भिड अत्यधिक धेरै हुनुका साथै बुधवार यता काठमाडौँ छाड्ने यात्रुको सङ्ख्या ४ लाख ७० हजार १ सय १७ रहेको छ ।