News Portal

  • कपिलवस्तुमा निषेधाज्ञा जारी

    करीब १ सय मोटरसाइकल नियन्त्रणमा

    सीताराम चौधरी/कपिलवस्तु ११ चैत २०७६
    २१३४ पटक
    ११ चैत २०७६

    जिल्ला प्रशासन कार्यालय कपिलवस्तुले जिल्लामा निषेधाज्ञा (कफ्र्यू) जारी गरेको छ । विश्वभरि फैलिएको कोभिड–१९ (कोरोना भाइरस)को संक्रमण फैलिन नदिन सरकारले मंगलबार विहान ६ बजेदेखि ‘लकडाउन’ जारी गरेपनि खुल्ला सिमानाका कारण सम्भव नभएपछि कपिलवस्तुमा निषेधाज्ञा जारी गरेको हो । मानिसहरुलाई भीडभाड नगर्न भनेपनि अटेरी बढेपछि निषेधाज्ञा जारी गर्न प्रशासन बाध्य भएको प्रमुख जिल्ला अधिकारी दीर्घनारायण पौडेलद्वारा हस्ताक्षरित विज्ञप्तीमा भनिएको छ ।

    अर्को आदेश नहुँदासम्म निषेधाज्ञा जारी रहने विज्ञप्तीमा उल्लेख छ । लकडाउनको अवज्ञा गर्दै सर्वसाधारण घरबाहिर निस्कन थालेपछि जिल्ला सुरक्षा समितिको आकस्मिक बैठकले स्थानीय प्रशासन ऐन, २०२८ को दफा ६ को उपदफा अनुसार चैत ११ गते बिहान ६ बजेदेखि अर्को आदेश जारी नहुँदासम्म निषेधाज्ञा जारी गरेको प्रजिअ पौडेलले जानकारी दिए ।

    यसैबीच जिल्ला प्रशासन कार्यालय कपिलवस्तुले जारी गरेको निषेधाज्ञा उलंघन गर्ने झण्डै एक सय मोटरसाइकल प्रहरीले नियन्त्रणमा लिएको छ । जिल्लाका विभिन्न स्थानबाट प्रहरीले मोटरसाइकल नियन्त्रणमा लिएको हो ।

    निषेधाज्ञा उलंघन गरेको भन्दै जिल्लाको चन्द्रौटा क्षेत्रबाट वडा प्रहरी कार्यालय चन्द्रौटाले समाचार तयार पार्दासम्म ९० वटा मोटरसाइकल नियन्त्रणमा लिएको प्रहरी निरीक्षक दिपेश खरेलले जानकारी दिएका छन् । पहिलो दिन भएकाले लामो दूरीकालाई एक दुई घण्टा राखेर सम्झाई बुझाई छोडिएको भएपनि स्थानीयलाई भने साँझ मात्र छोड्ने प्रहरी निरीक्षक खरेलले बताए । पहिलो दिन कडा गरेपछि सर्वसाधारण विना काम बाहिर ननिस्कने खरेलले विश्वास व्यक्त गरे ।

    यता इलाका प्रहरी कार्यालय कृष्णनगरले निषेधाज्ञा उलंघन गरेको भन्दै ७ जनालई नियन्त्रणमा लिएको छ । प्रहरी निरीक्षक प्रताप पौडेलका अनुसार सीमावर्ती क्षेत्र भएकाले सुरक्षा व्यवस्था निकै कडा पारिएको बताए । पछिल्लो समय कृष्णनगर क्षेत्र शान्त बनेको उनले बताए ।

    त्यसैगरी निषेधाज्ञा उल्लंघन गर्ने मर्यादपुर–तौलिहवा क्षेत्रबाट १० जना प्रहरी नियन्त्रणमा परेको जिल्ला प्रहरी कार्यालय कपिलवस्तुले जनाएको छ ।

    प्रतिकृया दिनुहोस्

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...

    शिशु निकेतन स्कूलकी छात्रा होस्टेलमै मृत फेला

    चितवनको रत्ननगर नगरपालिका–१० स्थित एकता शिशु निकेतन बोर्डिङ स्कुलको होस्टलमा एक छात्रा मृत फेला परेकी...

    चाँगुनारायणमा घरफोडी दिनदहाडै चोरी, २ युवक पक्राउ

    भक्तपुरको चाँगुनारायण नगरपालिका वडा नं. ३ मा कोही नभएको मौका पारी दिनदहाडै चोरी गर्ने २...